ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៨ ខែសីហា ឆ្នាំ២០១៩នេះថា ទីភ្នាក់ងារអាកាសធាតុជប៉ុន នៅថ្ងៃពុធ ទី២៨ ខែសីហានេះ បានចេញសេចក្តីប្រកាស អំពីការរអិលបាក់ដី និងគ្រោះទឹកជំនន់ ក្នុងកម្រិតខ្ពស់បំផុត ខណៈតំបន់នានា ដែលនៅភាគខាងលិចនៃប្រទេសជប៉ុន កំពុងរងការវាយប្រហារ ដោយទឹកភ្លៀង ។
យោងតាមទីភ្នាក់ងារ ឧតុនិយមជប៉ុន ហៅកាត់ (JMA) ការព្រមានអំពីគ្រោះអាសន្ន ត្រូវបានចេញផ្សាយ សម្រាប់អាណាខេត្ត មួយចំនួនដូចជា នៅខេត្ត Fukuoka, Saga និងNagasaki នៅតំបន់ Kyushu ដែលស្ថិតនៅភាគខាងជើងប្រទេស ។
ទីភ្នាក់ងារ JMA បានបញ្ជាក់ថា ខាងទីភ្នាក់ងាររំពឹងថា ទឹកភ្លៀង នឹងបង្កជាទឹកជំនន់ជន់លិចតំបន់ ដែលគ្របដណ្ដប់ លើតំបន់ជាច្រើនពីភាគខាងលិច រហូតដល់ភាគខាងជើង នៃប្រជុំកោះជប៉ុន ។
នៅក្នុងតំបន់ភាគខាងជើង គឺ Kyushu ទឹកភ្លៀងធ្លាក់ចុះមានទំហំ២០០ មម ហើយត្រូវបានព្យាករណ៍ ដោយទីភ្នាក់ងារអាកាសធាតុ ថានិងមានទំហំ១៨០មីល្លីម៉ែត្រនៅក្នុងតំបន់ក្នុងខេត្ត Kanto-Koshin ដែលរួមមានទីក្រុងតូក្យូ និងតំបន់ Tokai ត្រូវបានគេព្យាករណ៍ថា ក្នុងរយៈពេល២៤ម៉ោង រហូតដល់ម៉ោង៦ព្រឹក ម៉ោងក្នុងស្រុកនៅថ្ងៃព្រហស្បតិ៍ ៕
ប្រែសម្រួលដោយ៖ ម៉ៅ បុប្ផាមករា
ប្រភព ៖ដើមអំពិល
