បើតាមអ្នកនាំពាក្យយោធាចិនមួយរូបបាននិយាយកាលពីថ្ងៃព្រហស្បតិ៍ នេះថា កងទ័ពរំដោះប្រជានជនចិន នឹងបញ្ជូនកងទ័ពជាង ១.៥០០ នាក់ទៅចូលរូមនៅក្នុងសមយុទ្ធ Tsentr-2019 ( Center-2019 ) នៅក្នុងប្រទេសរុស្ស៊ី ។
លោក Ren Guoqiang អ្នកនាំពាក្យក្រសួងការពារជាតិបាននិយាយថា លើមូលដ្ឋាននៃការមូលមតិគ្នារបស់ប្រទេសទាំងពីរយោធាចិន នឹងចូលរួមនៅក្នុងសមយុទ្ធនេះពីថ្ងៃទី១៦ ដល់ថ្ងៃទី២១ ខែកញ្ញា ដែលនឹង ផ្តោតទៅលើការប្រយុទ្ធនឹងអំពើភេរវកម្មអន្តរជាតិ ព្រមទាំងធានាសន្តិសុខយោធាក្នុងអាស៊ីកណ្តាល។
លោក Ren បាននិយាយថា យោធាចិនក៏នឹងបញ្ជូនគ្រឿងសព្វាវុធជាង៣០០ផ្នែកផងដែរ យន្តហោះមានកង្ហារ និងឧទ្ធម្ភាគចក្រជិត ៣០គ្រឿងឱ្យទៅចូលរួមនៅក្នុងសមយុទ្ធរួម ប្រឆាំងនឹងភេរវកម្មនេះ។ កងឯកភាពយោធាមកពីប្រទេសកាហ្សក់ស្ថាន, គៀរហ្ស៊ីស្ថាន,ប៉ាគីស្ថាន , តាជីគីស្ថាន និង អ៊ូសបេគីស្ថានក៏នឹងចូលរួមនៅក្នុងសមយុទ្ធនេះផងដែរ ។
លោក Ren បាននិយាយទៀតថា សមយុទ្ធយោធានេះមិនបានផ្តោតទៅលើភាគីទី៣ណាមួយឡើយ ព្រមទាំងមិនទាក់ទងដល់ស្ថានការណ៍ថ្នាក់តំបន់ណាមួយទេ ។ កងកម្លាំងអាកាសចិននិងរុស្ស៊ីបានធ្វើការហោះ ហើយជា យុទ្ធសាស្ត្ររួម មួយជាលើកដំបូងនៅក្នុងអាស៊ីឦសានកាលពីថ្ងៃទី២៣ ខែកក្កដា ដោយកត់សម្គាល់ថា យន្ត ហោះរបស់យោធាទាំងពីរបានធ្វើតាមមាត្រានានា ដែលមានជាប់ទាក់ទងនៃច្បាប់អន្តរជាតិ ក្នុងអំឡុងការហោះហើរនេះនឹងមិនបានចូលទៅក្នុងដែនអាកាសរបស់ប្រទេសដទៃទៀតទេ ៕
ប្រភព ស៊ីនហួ
បកប្រែដោយលោក ប៉ិន មឿន
