នាព្រឹកថ្ងៃទី ៣០ ខែសីហា ឆ្នាំ២០១៩ រដ្ឋបាលស្រុកប្រាសាទបាគង បើកវេទិកាសាធារណៈ ដើម្បីត្រួតពិនិត្យ និងគាំទ្រ
ការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជាស្ថិតនៅក្នុងវត្តស្វាយធំ ឃុំកណ្តែក ស្រុកប្រាសាទបាគងខេត្តសៀមរាប ក្រោមអធិបតីភាពលោកជំទាវ តឹករ៉េត កំរ៉ង រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារថ្នាក់ជាតិចុះជួយស្រុកប្រាសាទបាគងខេត្តសៀមរាប លោក សូរប្លាតុង អភិបាលស្រុកប្រាសាទបាគង មន្ទីរ អង្គភាពពាក់ព័ន្ធ និងស្ថាប័ននានាក្នុងខេត្ត ព្រមទាំងបងប្អូនប្រជាពលរដ្ឋអ្នកចូលរួមប្រមាណជាង៥០០នាក់។
ក្នុងឱកាសនោះដែរ លោក សូរ ប្លាតុង អភិបាលស្រុក បានលើកឡើងពាក់ព័ន្ធបញ្ហាក្នុងការរស់នៅរបស់បងប្អូនប្រជាពលរដ្ឋ និងគោលនយោបាយរបស់រាជរដ្ឋាភិបាលដែលបានដាក់ចេញកន្លងមក ផ្ដោយអែកទៅតាមយុទ្ធសាស្ត្រចតុកោណដំណាក់កាលទី៣ នៃរាជរដ្ឋាភិបាលនីតិកាលទី៥ នៃរដ្ឋសភាក្នុងខែមករា ឆ្នាំ២០១៤ កន្លងទៅ រាជរដ្ឋភិបាលបានបង្កើតក្រុមការងារថ្នាក់ជាតិចុះមូលដ្ឋាលក្នុងគោលបំណង ដើម្បីត្រួតពិន្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៣ និងបច្ចុប្បន្នរាជរដ្ឋាភិបាលនិតិកាលទី៦ បានអនុវត្តបេសកកម្មរបស់ខ្លួនជាបន្តទៀត សំដៅលើកកម្ពស់គណនេយ្យភាព តម្លាភាព និងអភិបាលកិច្ចល្អ ធ្វើយ៉ាងណាអោយរដ្ឋបាលថ្នាក់ក្រោមជាតិ រួមមានថ្នាក់ខេត្ត ស្រុក ឃុំ ផ្តល់នៅសេវាសាធារណៈជូនដល់បងប្អូនប្រជាពលរដ្ឋទូទៅផងដែរ។
មានប្រសាសន៍ក្នុងឱកាសនោះ លោកជំទាវ តឹករ៉េត កំរ៉ង រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារថ្នាក់ជាតិចុះជួយស្រកប្រាសាទបាគង បានមានប្រសាសន៏ថា បើសិនជាបងប្អូនមានបញ្ហាជាមួយនឹងការរស់នៅដូចជា បញ្ហាដីធ្លី បញ្ហាទឹក បញ្ហាភ្លើង សូមអោយបងប្អូនសំណូមពរលើកជាមតិយោបល់យកមកពិភាក្សានៅក្នុងអង្គវេទិការនេះ ដើម្បីរកដំណោះស្រាយណាមួយអោយសមស្របទៅតាមអ្វីដែលយើងធ្វើបាន។
ព័ត៌មានជាតិ ថ្មីៗ
លោកជំទាវ មានប្រសាសន៍ទៀតថា បញ្ហាស្ត្រីមានផ្ទៃពោះទៅពិនិត្យផ្ទៃពោះនៅមន្ទីរពេទ្យបង្អែកខេត្តមិនអស់លុយទេ ហើយបានលុយចំនួន៤០០០០ម៉ីនថែមទៀត ។ បញ្ហាទាំងនេះ វាជាការបង្ហាញនូវសកម្មភាពរបស់សមាជិករាជរដ្ឋាភិបាល ក្នុងការស្វែងយល់អំពីសុខទុក្ខបងប្អូនប្រជាពលរដ្ឋ នៅតាមមូលដ្ឋាន ដើម្បីត្រួតពិនិត្យ និងបានស្តាប់ក្តីកង្វល់ បញ្ហាវិវាទ បញ្ហាប្រឈម និងសំណូមពរនានា នៅក្នុងមូលដ្ឋានផ្ទាល់ ។ វេទិកានេះមានតម្លៃណាស់ ដូច្នេះ សូមបងប្អូនប្រជាពលរដ្ឋទាំងអស់ មេត្តាលើកយកក្តីកង្វល់ ញ្ហាប្រឈម និងសំណូមពរនានា ដែលពាក់ព័ន្ធនឹងជីវភាពរស់នៅរបស់បងប្អូនឲ្យបានសកម្ម ដើម្បីីធ្វើការដោះស្រាយឲ្យជ្រះស្រឡះនៅពេលនេះ ។
សូមបញ្ជាក់ថា បញ្ហាណាដែលយើងដោះស្រាយបាននៅពេលនេះ យើងនឹងធ្វើការដោះស្រាយ ហើយបញ្ហាណាដែលយើងដោះស្រាយមិនទាន់បានយើងនឹងធ្វើជារបាយការណ៍ ដើម្បីបញ្ជូនទៅសមត្ថកិច្ចដែលមានការពាក់ព័ន្ធធ្វើការដោះស្រាយបន្ត នៅពេលក្រោយទៀត ៕
អត្ថបទ និង រូបភាព ៖ ស៊ាន សុផាត
