ទឹកស្ទឹងសៀមរាបនឹងកា្លយជាជម្រកនៃមេរោគចង្រៃប្រសិនបើការទុកសំរាមលើភ្នំគូលែនគ្មានសណ្ដាប់ធ្នាប់
គេបានដឹងជាទូទៅប្រជាពលរដ្ឋក្នុងខេត្តសៀមរាបដឹងថា នៅលើភ្នំគូលែនជាកន្លែងស្តុកប្រភពទឹកដ៏សំខាន់មួយ សម្រាប់ផ្គត់ផ្គង់ការប្រើប្រាស់នៅក្នុងខេត្តសៀមរាបទាំងមូល។ រាល់ពិធីបុណ្យទាន ឬថ្ងៃឈប់សម្រាកម្ដងៗ ទេសចរតែងសម្រុកទៅលេងតំបន់ភ្នំ និងមុជទឹក ដែលជាផ្នែកនៃប្រភពទឹកហូរចេញពីប្រភពទឹកជប់ កាត់តាមលិង្គមួយពាន់ និងធ្លាក់ដល់ទឹកជ្រោះ៧ជាន់។ ជារៀងរាល់ថ្ងៃ វិស័យទេសចរណ៍បានបង្កើតជាមុខរបរដល់ប្រជាជនច្រើនក៏ពិតមែន តែក្នុងនោះវាក៏បង្កជាបញ្ហាបរិស្ថានផងដែរ តាមរយៈការទុកដាក់សំរាមមិនបានត្រឹមត្រូវ។ អាជ្ញាធរជំរុញឱ្យពលរដ្ឋសហការចូលរួមក្នុងការទុកដាក់សំរាមឱ្យបានត្រឹមត្រូវ ដើម្បីរក្សានិរន្តភាពវិស័យទេសចរណ៍ ក៏ដូចជារក្សាប្រភពទឹកដ៏មានសារសំខាន់របស់ខេត្តសៀមរាប។ ពិធីសម្អាតបរិស្ថានមួយត្រូវបានធ្វើឡើងនៅភ្នំគូលែន នាថ្ងៃទី២៥ ធ្នូ ...
