សមត្ថកិច្ចស្រុកស្វាយលើ បានឲ្យដឹងថាកាលពីវេលាម៉ោង១២.៤០នាទីថ្ងៃទី២១ ខែ កក្កដា ឆ្នាំ២០១៩នេះ មានគ្រោះថ្នាក់ចរា ចរណ៍រថយន្តSANG YONG មួយគ្រឿង ខណ:កំពុងបើកបរដោយល្បឿនលឿនចុះពីភ្នំគូលែន តាមច្រកខាងកើត បណ្តាលឲ្យក្រឡាប់ផ្ងារជើងឡើងលើ ។
ហេតហេតុការណ៍នេះ កើតឡើងត្រង់ចំណុចផ្លូវចុះពីលើភ្នំគូលែន ថ្មី ខាងកើត ស្ថិតនៅ ភូមិ តា ពេញ ឃុំ ខ្នងភ្នំ ស្រុក ស្វាយ លើ ខេត្តសៀមរាប បណ្ដាលឲ្យស្លាប់ ២នាក់ និងរងរបួសចំនួន១១នាក់ ។
លោកវរសេនីយ៍ឯក ស៊ុន អេង អធិ ការនគរបាលស្រុកស្វាយលើ បាន ឲ្យ ដឹង ដែរថា ករណីគ្រោះថ្នាក់ចរាចរណ៍មួយនេះ គឺបង្កឡើងដោយខ្លួនឯង គឺ រថយន្ត ម៉ាក SANG YONG ISTANA ពាក់ ស្លាក លេខ សៀមរាប 2A:9016 ពណ៌ ស បើក ចុះ ពី ភ្នំ គូលែន តាម ច្រក ខាងកើត ក៏ ក្រឡាប់ តែម្ដង ។ លោក អធិការ បន្តថា អ្នកបើកបរ រថយន្ត និង មគ្គទេសក៍ បន្ទាប់ ពីកើតហេតុបាននាំគ្នារត់គេខ្លួនបាត់អស់ ។ លោក បន្ថែមទៀតថា អ្នក រួម ដំណើរ មានចំនួន ១៣នាក់ ហើយបានស្លាប់ ២ នាក់ ប្រុស១នាក់, ស្រី ១នាក់ នៅពេលដឹកសង្គ្រោះមកមន្ទីរពេទ្យបង្អែកខេត្ត និង រងរបួសធ្ងន់ស្រាលចំនួន ១១នាក់ ស្រី ៦នាក់ ។
លោក អធិការស្រុកបញ្ជាក់ថា អ្នក រង របួស បច្ចុប្បន្ន បបានបញ្ជូនទៅសង្គ្រោះ នៅមន្ទីរពេទ្យស្រុកស្វាយលើ និងបន្តបញ្ជូនទៅមន្ទីរពេទ្យបង្អែកខេត្តសៀមរាប ។
លោក អធិការ បញ្ជាក់បន្ថែមថា ករណី គ្រោះថ្នាក់ នេះ មូលហេតុ មកពី អ្នកបើកបរ ល្បឿនលឿន នៅ លើផ្លូវ ចុះ ចំណោទទើបបណ្ដាលឲ្យគ្រោះថ្នាក់ ។ ចំណចំណែករថយន្តគ្រោះថ្នាក់ ត្រត្រូវបានកម្លាំងសម ត្ថកិច្ច អូស យក មក រក្សា ទុក នៅ អធិការ ដ្ឋានស្រុកស្វាយលើ ដើម្បី រង់ចាំ ដោះ ស្រាយតាមផ្លូវច្បាប់ ។ សូមជម្រាបជូនថាករណីកើតហេតុដូចគ្នានេះ ធ្លាប់បានកើត ឡើងម្ដងរួចមកហើយកាលពីថ្ងៃទី១៥ ខែ កក្កដា ឆ្នាំ២០១៩ កន្លងមកនេះ ដោយរថយន្ត ម៉ាក HYUNDAI COUNT ដឹកភ្ញៀវទេសចរខ្មែរក្មេងចាស់ប្រុសស្រី ចំនួន២៨នាក់ ហើយក៏បានបង្កឲ្យរបួសធ្ងន់ស្រាលចំនួន១២នាក់ផងដែរ ។
អត្ថបទ និងរូបភាព ៖ លោកថាច់ ពិសុទ្ធ
កែសម្រួល ៖ លីវ សុខុន !!!
