វត្តបារាយណ៍នទី រតនារាម ហៅ វត្តស្វាយរមៀត ជាវត្តបុរាណមួយ ក្នុងចំណោមវត្តបុរាណជាច្រើន នៅក្នុងខេត្តសៀមរាប ដែលបច្ចុប្បន្ននេះ បាននឹងកំពុងក្លាយជាគោលដៅទេសចរណ៍សម្រាប់ភ្ញៀវទេសចរបរទេស ដោយសារទីតាំងអារាមនេះ បានសាងសង់ឡើងនៅលើខ្នងទំនប់បូរាណអាងបារាយណ៍ទឹកថ្លា ខណៈពេលដែលមានភ្ញៀវទេសចរបរទេសជាច្រើននាក់ បានចូលមកទស្សនានៅក្នុងទីវត្តអារាមនេះ ជារៀងរាល់ថ្ងៃ ។
ព្រះតេជគុណ វិមុលសំវ ភទ្ទកោ នឿម វុទ្ធី ព្រះគ្រូចៅអធិការវត្តស្វាយរមៀត មានសង្ឃដីកាថា ដោយផ្អែកលើសក្តានុពលដែលមានស្រាប់ គឺអាងបាយណ៍ទឹកថ្លា ទីអារាមដែលភ្ញៀវចាប់អារម្មណ៍ និងភូមិសាស្ត្រមូលដ្ឋាន ហើយនៅពេលដែលទីអារាមមួយនេះ ត្រូវបានក្លាយជាគោលដៅទេសចរណ៍នៃវត្តអារាមពិតប្រាកដនោះ ព្រះអង្គនឹងគូរដល់សហគមន៍ប្រជាពលរដ្ឋនៅជុំវិញវត្តស្វាយរមៀត ត្រូវចងក្រង និង បង្កើតឲ្យមានសេវាជូនភ្ញៀវជិះរទះគោ និង ការជិះទូកកំសាន្ត នៅក្នុងសហគមន៍មូលដ្ឋានមួយជុំវិញវត្តស្វាយរមៀតនេះ ៕
អត្ថបទ និង រូបថត ៖ លោក ងិន គឹមឡេង
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
