នៅថ្ងៃទី២៦ ខែកញ្ញា ឆ្នាំ២០១៨នេះ លោក ស៊ិន ចាន់ថុល អភិបាលរងស្រុកពួក បានដឹកនាំកម្លាំងប៉ុស្តិ៍នគរបាលរដ្ឋបាលឃុំកែវព៌ណ និងកម្លាំងប៉ុស្តិ៍នគរបាលរដ្ឋបាលឃុំល្វា សហការជាមួយផ្នែករដ្ឋបាលជលផលក្រឡាញ់ ដែលមានកម្លាំងចូលរួមសរុបមានចំនួន៤៣ នាក់ ប្រើប្រាស់កាណូត១០គ្រឿង បានចុះបង្ក្រាបបទល្មើសនេសាទខុសច្បាប់ ក្នុងតំបន់បឹងទន្លេសាប ចាប់ពីចំណុចឃុំកែវព៌ណ រហូតដល់ឃុំសសរស្ដម្ភស្រុកពួក ដោយបានបំផ្លាញចោលឧបករណ៍បរចំនួន០៣គ្រឿង , របាំងសាច់មុងប្រវែង២,២៥០ម៉ែត្រ , ឧបករណ៍អ៊ុយស្បៃមុងចំនួន៣៦គ្រឿង , ចំរឹងចំនួន១.៣០០ដើម និងចាក់ព្រលែងកូនត្រីចំរុះចំនួន៦០គីឡូក្រាម ចូលក្នុងបឹងធម្មជាតិវិញ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
