ជនសង្ស័យចំនួន០៤នាក់ ត្រូវកម្លាំងសមត្ថកិច្ចការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប កសាងសុំណុំរឿងបញ្ចូនខ្លួនទៅសាលាដំបូងសៀមរាប កាលពីល្ងាចថ្ងៃទី១២ ខែកញ្ញា ឆ្នាំ២០១៩ ម្សិលមិញនេះ ពាក់ព័ន្ធនឹងករណីរក្សាទុក ជួញដូរ ចាត់ចែង និងប្រើប្រាស់សារធាតុញៀនខុសច្បាប់។
ជនសង្ស័យទាំង៤នាក់នោះ មាន៖
១- ពិន សំណាង ភេទប្រុស ឆ្នាំកំណើត ១៩៩៤ មុខរបរគ្មាន មានទីលំនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប ពាក់ព័ន្ធនឹងករណីរក្សាទុកជួញដូរចាត់ចែងនិងប្រើប្រាស់ និងមានសារធាតុញៀនក្នុងខ្លួន។
២- លឹម ហេងហៅម៉ាប់ ភេទប្រុស ឆ្នាំកំណើត ១៩៩៧ មុខរបរគ្មានមានទីលំនៅភូមិពោធិ៍បន្ទាយជ័យ សង្កាត់សៀមរាបក្រុង សៀមរាប ពាក់ព័ន្ធនឹងករណី ចាត់ចែង និង ប្រើប្រាស់ និងមានសារធាតុញៀនក្នុងខ្លួន។
៣- ភាព សៅ ហៅតឿ ភេទប្រុស ឆ្នាំកំណើត២០០២ មុខរបរគ្មាន មានទីលំនៅភូមិប្រាសាទចារ ឃុំដូនកែវ ស្រុកពួកសៀមរាប ពាក់ព័ន្ធនឹងករណីចាត់ចែង និងប្រើប្រាស់ និងមានសារធាតុញៀនក្នុងខ្លួន។
៤-កើត រិទ្ធី ហៅកុយ ភេទប្រុស ឆ្នាំកំណើត១៩៩៦ មុខរបរគ្មាន មានទីលំនៅភូមិទក្សិណខាងត្បូង សង្កាត់គោកចកក្រុងសៀមរាប ពាក់ព័ន្ធនឹងករណី រក្សាទុក ចាត់ចែង និង ប្រើប្រាស់ និងមានសារធាតុញៀនក្នុងខ្លួន។
សូមបញ្ជាក់ថា ជនសង្ស័នទាំង៤នាក់ខាងលើ ការិយាល័យប្រឆាំងគ្រឿងញៀន សហការជាមួយកម្លាំងព្រហ្មទណ្ឌកម្រិតស្រាល និងកម្លាំងនាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ ចុះបង្ក្រាបនៅថ្ងៃទី ១១ ខែ កញ្ញា ឆ្នាំ ២០១៩ និងដកហូតបានវត្ថុតាងមានម្សៅមេតំហ្វេតាមីន ប្រភេទទឹកកក ចំនួន០៥កញ្ចប់ ស្មើនឹងទម្ងន់ ១៣.៤ក្រាមទាំងសំបក និងទូរសព្ទដៃចំនួន០៤គ្រឿង រួមនិងសម្ភារវេចខ្ចប់គ្រឿងញៀនមួយចំនួនផងដែរ។
អត្ថបទ និង រូបភាព ៖ លោក ថាច់ ពិសុទ្ធ
កែសម្រួលអត្ថបទ៖ លោក សេង ផល្លី
