មុខសញ្ញាលួចឆក់និងគ្រឿងញៀនចំនួន៧នាក់ក្នុងខេត្តសៀមរាប ត្រូវសមត្ថកិច្ចឃាត់ខ្លួន

ជនសង្ស័យ ដែលជាមុខសញ្ញារបស់សមត្ថកិច្ចបានកំណត់ ចំនួន០៧នាក់ ត្រូវបានកម្លាំងនាយកដ្ឋាននគរបាលព្រហ្មទណ្ឌ និងកម្លាំងនគរបាលការិយាល័យទណ្ឌខេត្តសៀមរាបធ្វើការបង្ក្រាប នៅថ្ងៃទី១២ខែកញ្ញាឆ្នាំ២០១៩ ក្នុងនោះ ជនសង្ស័យ៥នាក់ ពាក់ព័ន្ធនឹងករណីលួចឆក់ រីឯ២នាក់ទៀត ពាក់ព័ន្ធនឹងករណីរក្សាទុក និងប្រើប្រាស់សារធាតុញៀនខុសច្បាប់។

តាមការឲ្យដឹងពីសមត្ថកិច្ច បានឲ្យដឹងថា ជនសង្ស័យទាំង៧នាក់នោះ មាន៖
១- អាត អ៉ិត ភេទប្រុស អាយុ១៦ឆ្នាំ មានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ជាមុខសញ្ញាចាស់ ក្នុងករណីអំពើលួចឆក់។
២- ខន ថុងណេង ហៅ តុង ឡេង ភេទប្រុស អាយុ១៨ឆ្នាំ មានទីលំនៅភូមិត្រពាំងសេះ សង្កាត់គោកចក ក្រុង សៀមរាប ជាមុខសញ្ញាចាស់ ក្នុងករណីអំពើលួចឆក់។
៣. សឿម ណារ៉ាត់ ភេទប្រុស អាយុ១៨ឆ្នាំ មុខរបរពុំពិតប្រាកដ មានទីលំនៅភូមិវាល សង្កាត់គោកចក ក្រុង សៀមរាប ពាក់ព័ន្ធនឹងករណីឆក់។
៤. ឃាន វ៉ាឃីម ភេទប្រុស អាយុ១៣ឆ្នាំ មុខរបរគ្មាន មានទីលំនៅ ភូមិមណ្ឌល៣ សង្កាត់ស្លក្រាម ក្រុងសៀមរាប ពាក់ព័ន្ធនឹងករណីឆក់។
៥. ហ៊ុន ចាន់វណ្ណៈពេជ្រ ហៅអាប៉ែន ភេទប្រុស អាយុ១៨ឆ្នាំ មុខរបរពុំពិតប្រាកដ មានទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ពាក់ព័ន្ធនឹងករណីឆក់។
៦. លឹម ហេង ហៅម៉ាប់ ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប ពាក់ព័ន្ធនឹងករណីចែកចាយប្រើប្រាស់គ្រឿងញៀន)។
៧. ពិន សំណាង ហៅណាង ភេទប្រុសមុខរបរពុំពិតប្រាកដអាយុ២៥ឆ្នាំមានទីលំនៅបច្ចុប្បន្នភូមិស្ទឹងថ្មីសង្កាត់ស្វាយដង្គំក្រុងខេត្តសៀមរាប ពាក់ព័ន្ធនឹងករណីចែកចាយប្រើប្រាស់គ្រឿងញៀន។

ក្នុងប្រតិបត្តិការនេះ កម្លាំងសមត្ថកិច្ចនគរបាលដកហូតបាន វត្ថុតាង គ្រឿងញៀន ចំនួន៣កញ្ចប់ ម៉ូតូចំនួន០១គ្រឿងម៉ាកហុងដាឌ្រីមសេរីឆ្នាំ២០១៩ ពណ៌ខ្មៅគ្មានស្លាកលេខទូរស័ព្ទ០៣គ្រឿង។ បន្ទាប់ពីជនសង្ស័យបានឆ្លើយសារភាពថា ករណីនេះមុខសញ្ញាឆក់ចំនួន៥នាក់ សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត ដោយឡែកជនសង្ស័យ២នាក់ទៀត ពាក់ពន្ធ័នឹងសារធាតុញៀន សមត្ថកិច្ចបានបញ្ជូនទៅការិយាល័យជំនាញគ្រឿងញៀនចាត់ការតាមនីតិវិធីបន្ត។