លោក ឧត្តមសេនីយ៍ឯក ពៅ ស៊ា នាយកមជ្ឈមណ្ឌអភិវឌ្ឍន៍យោធិនពិការ សម្តេចតេជោ ហ៊ុន សែន គូលែន ៣១៧ សៀមរាប ព្រមទាំងនាយករង នាយផ្នែក យោធិនពិការ គ្រួសារយោធិន លោកគ្រូ អ្នកគ្រូសិស្សានុសិស្ស និងប្រជាពលរដ្ឋ ជាង២០០០នាក់ នៅព្រឹកថ្ងៃទី១៤ ខែ កញ្ញា ឆ្នាំ២០១៩ បានទទួល ស្វាគមន៍ លោកជំទាវ ពេជ្រ ច័ន្ទមុន្នី ហ៊ុន ម៉ាណែត អនុប្រធានក្រុមប្រឹក្សា ភិបាល សមាគមគ្រូពេទ្យស្ម័គ្រចិត្ត យុវជន សម្តេសតេជោ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដឹកនាំក្រុមគ្រូពេទ្យស្ន័គ្រចិត្តយុវជន របស់សម្តេស ជាង៣០០នាក់ មកបោះទីតាំងសម្រាប់ ពិនិត្យ និងព្យាបាលជំងឺទូទៅ នៅវិទ្យាល័យស្នារតេជោ៣១៧ រយ:ពេលមួយថ្ងៃ ស្ថិតនៅភូមិស្នារតេជោ ឃុំបាល្ល័ង្គ ស្រុកប្រាសាទបាគង ខេត្តសៀមរាប ។
លោកឧត្តមសេនីយ៍ឯក ពៅ ស៊ា បានអោយដឹងថា៖ មជ្ឈមណ្ឌលអភិវឌ្ឍន៍យោធិនពិការ សម្តេចតេជោ ហ៊ុន សែន គូលេន ៣១៧ សៀមរាប ចាប់បដិសន្ធិឡើង ក្រោមការផ្តួចផ្តើមដោយគតិបណ្ឌិតរបស់សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានចាប់ផ្តើមកសាងក្នុងរយ:ពេល៣ឆ្នាំគឺ ២០០៨, ២០០៩, ២០១០ រហូតដល់ថ្ងៃទី៣១ ខែកក្កដា ឆ្នាំ២០១១ ទើបដំណើរការកាត់ខ្សែបូរ សម្ភោធដាក់អោយប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។ រហូតមកដល់បច្ចុប្បន្ននេះ បងប្អូនយោធិនពិការ ដែលមានសេចក្តីប្រកាសទទួលស្គាល់ជាយោធិនពិការ របស់ក្រសួងការពារជាតិ បានចូលមករស់នៅមានចំនួន ២៩១គ្រួសារ ក្នុងនោះយោធិនពិការចំនួន២៦៦គ្រួសារ, លោកគ្រូអ្នកគ្រូចំនួន២៣គ្រួសារ , ពេទ្យឆ្មបចំនួន២ គ្រួសារ និងសមាជិកសរុបរួមមានចំនួន១,២៩១នាក់ ប្រុសចំនួន ៦៧៤នាក់ ស្រីចំនួន ៦១៧នាក់ ។ ក្នុងនោះ រាជរដ្ឋាភិបាលមានគោលនយោបាយផ្តល់ដី ០១ហិកតាកន្លះ និងលំនៅដ្ឋានមួយខ្នង៥ម x ៧ម ដើម្បីបង្កបង្កើនផល និងការចិញ្ចឹមសត្វ សម្រាប់អភិវឌ្ឍន៍សេដ្ឋកិច្ចគ្រួសាររបស់ពួកគាត់អោយបានប្រសើឡើង ។
លោកជំទាវ ពេជ្រ ច័ន្ទមុន្នី ហ៊ុន ម៉ាណែត មានមតិសំណេះសំណាល ថា៖ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មិនដែលភ្លេចបងប្អូន យុទ្ធជនពិការ ននិងបងប្អូនប្រជាពលរដ្ឋនៅទីនេះឡើយ ផ្ទុយមកវិញសម្តេចតែងតែគិតដល់ បងប្អូនជានិច្ច ក្នុងនោះសម្តេចបានផ្តួចផ្តើមបង្កើត សមាគមគ្រូពេទ្យស្ម័គ្រចិត្តយុវជនសម្តេចតាំងពីឆ្នាំ២០១២ ដោយចាប់ផ្តើមព្យាបាលដល់ប្រជាពលរដ្ឋទូទៅ ក្រោយមកយោងតាមប្រសាសន៍សម្តេច បានអនុញ្ញាតឱ្យក្រុមគ្រូពេទ្យស្ម័គ្រចិត្ត ចុះមកព្យាបាលជំងឺជូន គគ្រប់ភូមិភាគ គឺជាព្យាបាលជូនដល់នាយទាហាន ពលទាហានទាំងអស់ និង ជាពិសេសយោធិនពិការ ។
លោកជំទាវ បន្តថា ការមកពិនិត្យ និងព្យាបាលជំងឺនៅទីនេះគឺជាលើកទីមួយ ប៉ុន្តែវាជាលើកទីបួនហើយ សម្រាប់នៅខេត្តសៀមរាប ។ នៅក្នុងករណីសភាពជំងឺស្រាលការព្យាបាល គឺធ្វើបាននៅនឹងកន្លែងដោយផ្ទាល់ ប៉ុន្តែបើប្រភេទជំងឺធ្ងន់ ធ្ងរ និងធ្វើការបញ្ជូនទៅព្យាបាលនៅពេទ្យខេត្ត ឬត្រូវបញ្ជូនទៅព្យាបាលនៅភ្នំពេញ ចំណែកថ្លៃសោហ៊ុយធ្វើដំណើរ ហូបចុក ព្យាបាល គឺសម្តេចតេជោ ជាអ្នកទទួលខុសត្រូវទាំងអស់ ។
យោងតាមរបាយការណ៍ មានប្រពលរដ្ឋមកទទួលការព្យាបាលជម្ងឺមានចំនួន២,២៦៧នាក់ មកពីស្រុកប្រាសាទបាគង, ស្រុកបន្ទាយស្រី, ស្រុកស្វាយលើ, ស្រុកវ៉ារិន និងស្រុកសូទ្រនិគមន៍ ។
ការពិនិត្យ និង ព្យាបាល រួមមានប្រភេទជំងឺ ដូចខាងក្រោម ៖
១. ផ្នែកជំងឺទូទៅចំនួន ១៥៦១ នាក់
២. ផ្នែកជំងឺមាត់ធ្មេញចំនួន ៩៧ នាក់
៣.ផ្នែកជំងឺត្រចៀក ច្រមុះ បំពង់ក ចំនួន ៥០នាក់
៤. ផ្នែកជំងឺភ្នែក ចំនួន ៣៣២ នាក់
៥. ផ្នែកជំងឺរោគស្ត្រីចំនួន ៧២ នាក់
៦. ផ្នែកវះកាត់តូចចំនួន ២៣ នាក់
៧. ផ្នែកអេកូសាស្ត្រចំនួន ៦១ នាក់
៨. ផ្នែកជំងឺសើស្បែកចំនួន ២៥ នាក់
៩. ផ្នែកជំងឺឬសដូងបាតចំនួន៤០ នាក់
១០. ផ្នែកមន្ទីរពិសោធន៍ចំនួន១៦ នាក់
ក្នុងនេះមានអ្នកជំងឺត្រូវបញ្ជូនទៅព្យាបាល បន្តចំនួន៤៥ នាក់ ( ទៅភ្នំពេញ ចំនួន ៥ នាក់ )។
នៅក្នុងឱកាសនោះដែរ លោកជំទាវ ក៏បានចែកជូនសម្ភារ: និងថវិកាដល់សិស្សនុសិស្សចំនួន១០០នាក់ ក្នុងម្នាក់ៗ ទទួលបាន សៀវភៅសរសេរ ២ក្បាល ខ្មៅដៃ១ដើម កាបូបដាក់សៀវភៅ១ និងថវិកា ២០០០រៀល, ផ្តល់ថវិកាដល់វិទ្យាល័យស្នាតេជោ៣១៧ ចំនួន ១លានរៀល ,ចែកជូនសិស្សានុសិស្សជួយក្រុមការងារគ្រូពេទ្យ ចំនួន៥០នាក់ ក្នុងម្នាក់ៗទទួលបាន ២០០០០រៀល , ក្រុមការងារសណ្តាប់ធ្នាប់ចំនួន៣២នាក់ក្នុងម្នាក់ៗចំនួន២០០០០រៀល និងចែកអង្ករជូនគ្រួសារយោធិនពិការ ចំនួន ២៩១ គ្រួសារ ក្នុង១គ្រួសារទទួលបាន ៤០ គីឡូក្រាម ។ ជាចុងក្រោយលោកជំទាវ ក៏បានសន្យាថា៖ នឹងផ្តល់អណ្តូងទឹកចំនួន៥ កន្លែងផងដែរ ៕
អត្ថបទ និងរូបភាព:លោកអ៊ិន សីហរិទ្ធ កែសម្រួលដោយលីវ សុខុន !!! ។
![រដ្ឋលេខាធិការក្រសួងសុខាភិបាល៖គ្រូពេទ្យមានកាតព្វកិច្ចក្នុងការជួយសង្គ្រោះមនុស្ស[….]មិនត្រូវធ្វើការលំៗយកតែរួចខ្លួននោះទេ](https://tvsiemreap.com/wp-content/uploads/2019/09/1-31-75x75.jpg)
