នាយកដ្ឋានកិច្ចចរចាពាណិជ្ជកម្ម DTN របស់ក្រសួងពាណិជ្ជកម្មថៃបាននិយាយពីថ្ងៃអាទិត្យនេះថា ប្រទេសថៃបានក្លាយទៅជាអ្នកនាំចេញកៅស៊ូដ៏ធំបំផុតរបស់ពិភពលោក ហើយប្រទេសចិនជាទីផ្សារដ៏ធំ បំផុតរបស់ថៃ ដោយសារកិច្ចព្រមព្រៀងពាណិជ្ជកម្មសេរី ( FTA ) ជាមួយចិន នឹងបណ្តាប្រទេសដទៃទៀត ជាច្រើន។
អគ្គនាយក DTN លោកស្រី Auramon Sapthamweetham បាននិយាយថា ក្នុងឆ្នាំ ២០១៨ ថៃបាននាំចេញកៅស៊ូក្នុងតម្លៃប្រមាណជាង៤,៦ពាន់លានដុល្លារ ស្មើនឹង១,៨២ភាគរយនៃការនាំចេញសរុបរបស់ថៃ ។
លោកស្រី Auramon បាននិយាយថា ចិនជាទីផ្សារដ៏ធំបំផុតរបស់ថៃ ដែលនាំចូលកៅស៊ូថៃក្នុងតម្លៃ ១,៩៦ពាន់លានដុល្លារ គឺមាន៤៣ភាគរយនៃការនាំចេញកៅស៊ូថៃសរុបក្នុងឆ្នាំ ២០១៨ ។ ហើយ ប្រទេសថៃក៏នាំចេញកៅស៊ូផងដែរ ទៅកាន់បណ្តាប្រទេស នៅអាស៊ីអាគ្នេយ៍, ស.រ.អា,ជប៉ុន និង កូរ៉េខាងត្បូង ។លោកស្រី Auramon បន្តថា ការសម្រេចបានក្នុងការក្លាយទៅជាប្រទេសនាំចេញកៅស៊ូដ៏ធំបំផុត របស់ពិភពលោកនោះ គឺជាលទ្ធផលមួយនៃកិច្ចព្រមព្រៀងពាណិជ្ជកម្ម សេរីចំនួន១៣ជាមួយប្រទេស១៨ នៅពេលដែលពួកគេបានដើរតួនាទីយ៉ាងសំខាន់មួយ ក្នុងការលុបបំបាត់ពន្ធនាំចូលលើកៅស៊ូជាមួយបណ្តាប្រទេសជាដៃគូ ព្រមទាំងបានផ្តល់ឱ្យនូវឱកាសពាណិជ្ជកម្មដែលជំរុញការនាំចេញផលិតផលកៅស៊ូថៃ៕
( ប្រភព ស៊ីនហួ បកប្រែដោយលោក ប៉ិន មឿន)
