កាលពីវេលាម៉ោង១១និង៤០នាទី នាថ្ងៃទី២៨ ខែកញ្ញាឆ្នាំ២០១៨ កន្លងទៅនេះ កម្លាំងសមត្ថកិច្ចនគរបាលគ្រឿងញៀនខេត្តសៀមរាប សហការជាមួយកម្លាំងអធិការនគរបាលស្រុកអង្គរធំ ចុះបង្ក្រាបបទរក្សាទុកជួញដូរនិងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន ។
នៅចំនុចភូមិត្រពាំងស្វាយ និងភូមិភ្លង់ ឃុំលាងដៃ ស្រុកអង្គរធំ ដោយឃាត់ខ្លួនជនសង្ស័យបានចំនួន៥នាក់ ក្នុងនោះមាន : ០១. ឈ្មោះ កុយ រឿម ភេទប្រុស ឆ្នាំកំណើត២០០១ មុខរបរគ្មាន មានទីលំនៅភូមិត្រពាំងស្វាយ ឃុំលាងដៃ ស្រុកអង្គរធំ ជាប់ពាក់ព័ន្ធនឹងករណីជួញដូរនិងប្រើប្រាស់ ហើយមានសារធាតុញៀនក្នុងខ្លួន , ០២. ឈ្មោះ លាន មាន ភេទប្រុស ឆ្នាំកំណើត១៩៩៨ មុខរបរគ្មាន មានទីលំនៅភូមិត្រពាំងស្វាយ ឃុំលាងដៃ ជាប់ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន , ០៣. ឈ្មោះ សៅ ជាភេទប្រុស ឆ្នាំកំណើត២០០២ មុខរបរគ្មាន មានទីលំនៅភូមិត្រពាំងស្វាយ ឃុំលាងដៃ ជាប់ពាក់ព័ន្ធនឹងករណីចាត់ចែង និងមានសារធាតុញៀនក្នុងខ្លួន , ០៤. ឈ្មោះ ពឿយ ជាភេទប្រុស ឆ្នាំណើត១៩៨៣ មុខរបរគ្មាន មានទីលំនៅភូមិភ្លង់ ឃុំលាងដៃ ជាប់ពាក់ព័ន្ធនឹងករណីរក្សាទុកនិងជួញដូរ និងមានសារធាតុញៀនក្នុងខ្លួន និង ០៥. ឈ្មោះ ហិត ហ៊ត់ភេទប្រុស ឆ្នាំកំណើត១៩៩៨ មុខរបរគ្មាន មានទីលំនៅភូមិត្រពាំងស្វាយ ឃុំលាងដៃ ជាប់ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន ។
ក្នុងការបង្ក្រាបនេះ កម្លាំងសមត្ថកិច្ចបានដកហូតវត្ថុតាងមានម្សៅមេតំហ្វេតាមីន ប្រភេទទឹកកក ចំនួន០២កញ្ចប់ ស្មើនឹងទំងន់០.២ក្រាមទាំងសំបក , ឧបករណ៍ប្រើប្រាស់និងសម្ភារវេចខ្ចប់គ្រឿងញៀនមួយចំនួន និង បានបញ្ចូនខ្លួនទៅសាលា ដំបូងខេត្ត កាលពីថ្ងៃទី២៩ ខែកញ្ញា ឆ្នាំ២០១៨នេះ ដេីម្បីចាត់ការទៅតាមនីតិវិធីច្បាប់ ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ដ
#មន្ទីរព័ត៌មានខេត្តសៀមរាប
