នៅថ្ងៃទី២៧ ខែកញ្ញា ឆ្នាំ២០១៨នេះ កម្លាំងការិយាល័យប្រឆាំងគ្រឿងញៀន សហការជាមួយកម្លាំងការិយាល័យចរាចរណ៍ផ្លូវគោកនិងកម្លាំងនគរបាលអធិការដ្ឋានស្រុកប្រាសាទបាគង ចុះបង្ក្រាបបទរក្សាទុក និងប្រើប្រាស់ដោយខុសច្បាប់នូវសារធាតុញៀន។
នៅចំនុចលើដងផ្លូវជាតិលេខ៦ ភូមិដកពោធិ៏ សង្កាត់ស្លក្រាម ក្រុងសៀមរាប និងនៅចំនុចលើដងផ្លូវភូមិថ្នល់ ឃុំអំពិល ស្រុកប្រាសាទបាគង ឃាត់ខ្លួនបានជនសង្ស័យចំនួន៥នាក់ដែលមានឈ្មេាះ៖
០១. ឈ្មោះ តន់ រឹទ្ធិស័ក្ត ភេទប្រុស ឆ្នាំកំណើត២០០១ មុខរបរគ្មាន មានទីលំនៅភូមិតាភុល សង្កាត់ស្វាយដង្គំ ក្រុងសៀមរាប ពាក់ព័ន្ធនឹងករណី រក្សាទុកនិងប្រើប្រាស់់ ហើយមានសារធាតុញៀនក្នុងខ្លួន ,
០២. ឈ្មោះ ហាន មាសហូ ភេទប្រុស ឆ្នាំកំណើត ១៩៩០ មុខរបរគ្មាន មានទីលំនៅភូមិធ្លកអណ្តូង សង្កាត់ស្លក្រាម ក្រុងសៀមរាប ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន ,
០៣. ឈ្មោះចាន់ វេហា ភេទប្រុស ឆ្នាំកំណើត១៩៩០ មុខរបរគ្មាន មានទីលំនៅភូមិកណ្តាលខាងកើត ឃុំស្រះជីក ស្រុកភ្នំស្រុក ខេត្តបន្ទាយមានជ័យ ពាក់ព័ន្ធនឹងករណីចាត់ចែង និងមានសារធាតុញៀនក្នុងខ្លួន ,
០៤. ឈ្មោះ ថី ឧត្តម ភេទប្រុស ឆ្នាំកំណើត១៩៨៩ មុខរបរគ្មាន មានទីលំនៅភូមិគ្រួស សង្កាត់ ស្វាយដង្គំ ក្រុងសៀមរាប ពាក់ព័ន្ធនឹងករណីចាត់ចែង និងមានសារធាតុញៀនក្នុងខ្លួន
០៥. ឈ្មោះ ងួន ដារ៉ាភេទប្រុស ឆ្នាំកំណើត១៩៩១ មុខរបរគ្មាន មានទីលំនៅភូមិពោធិ៏បន្ទាយជ័យ សង្កាត់សៀមរាប ក្រុងសៀមរាប ពាក់ព័ន្ធនឹងករណីចាត់ចែង និងមានសារធាតុញៀនក្នុងខ្លួន។
ក្នុងប្រតិបត្តិការនេះ កម្លាំងសមត្ថកិច្ចនគរបាលដកហូតវត្ថុតាង មានម្សៅក្រាមព៌ណសថ្លា (មេតំហ្វេតាមីន) ចំនួន០៥ កញ្ចប់ ទំងន់សុទ្ធ០.៤ក្រាម , ទូរស័ព្ទដៃចំនួន០៤គ្រឿង និងរថយន្តចំនួន០១គ្រឿង ម៉ាកកាមរី ចង្កូតស្តាំ សេរីឆ្នាំ១៩៩៥ ព៌ណទឹកប្រាក់ ពាក់ផ្លាកលេខសៀមរាប 2A-3552 និង បានរៀបចំសុំណុំរឿងបញ្ចូនទៅសាលាដំបូងខេត្ត នៅថ្ងៃទី២៨ ខែកញ្ញា ឆ្នាំ២០១៨នេះ ដេីម្បីចាត់ការទៅតាមផ្លូវច្បាប់ ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
#មន្ទីរព័ត៌មានខេត្តសៀមរាប
