លោក ទៀ សីហា អភិបាលរងខេត្តសៀមរាប បាននប្រសាសន៍ថា ការសម្ពោធដាក់ឲ្យដំណើរការ ហាងកាហ្វេអាម៉ាហ្សូន ដីហេរីថេក រ៉ក នៅក្នុងក្រុងសៀមរាបនាពេលនេះ គឺជាមូលដ្ឋានសម្រាប់ធ្វើការវាយតម្លៃឲ្យឃើញពីភាពរីកចម្រើនថែមទៀត នៅក្នុងខេត្តសៀមរាប ក្នុងបរិបទនៃកណើនសេដ្ឋកិច្ចជាតិ ដែលមានប្រភពពីការចូលរួមចាំបាច់ពិវិស័យឯកជន ដែលជាផ្នែកមួយយ៉ាងសំខាន់ក្រោមគោលនយោបាយឈ្នះៗរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំដ៏ឆ្នើម បានដឹកនាំពុះពារគ្រប់ឧបសគ្គទាំងឡាយ រហូតសម្រេចបានសមទ្ធិផលធំធេង ក្នុងកិច្ចអភិវឌ្ឍន៍សេដ្ឋកិច្ចសង្គម សំដៅកាត់បន្ថយភាពក្រីក្ររបស់ប្រជាពលរដ្ឋ ខណៈក្នុងរយៈពេលជាង៣ទស្សវត្សចុងក្រោយនេះ សេដ្ឋកិច្ចកម្ពុជា មានកំណើនប្រកបដោយចីរភាព សម្រេចបានជាមធ្យមប្រមាណ៧,៧ភាគរយ ដែលប្រការទាំងនេះបាន ឆ្លុះបញ្ចាំងឲ្យឃើញពីសក្តានុពល និង កាលានុវត្តភាពវិនិយោគនៅកម្ពុជា ដោយមានការជឿជាក់លើភាពដឹកនាំរបស់រាជរដ្ឋាភិបាលកម្ពុជា ។
លោក ទៀ សីហា មានសង្ឃឹមជឿជាក់ថា តាមរយៈនៃការវិនិយោគរបស់ក្រុមហ៊ុន នឹងផ្តល់ជូននូវរសជាតិឈ្ញុយឆ្ងាញ់ ប្រកបដោយគុណភាពកាហ្វេ ដែលបានចម្រាញ់ រំលីងពីវត្ថុធាតុដើម កាហ្វេពិតៗ ក្នុងការចូលរួមប្រកួតប្រជែងតម្លៃលើទីផ្សារ ប្រកបដោយសមធម៌ និង បំពេញនូវតម្រូវការរបស់អតិថិជនជាតិ អន្តរជាតិ ព្រមទាំងបង្កើនការងារជូនដល់ប្រជាពលរដ្ឋក្នុងខេត្ត ក៏ដូចជាការចូលរួមកាត់បន្ថយភាពក្រីក្រទៀតផង ។
លោក ទៀ សីហា មានប្រសាសន៍បែបនេះ ក្នុងឱកាសបើកសម្ពោធហាងកាហ្វេអាម៉ាហ្សូន ដឺហេរីថេក រ៉ក សាខាទី៤ របស់ក្រុមហ៊ុន ភីធីធី នៃផ្សារជំនើបហេរីថេក វ៉ក ស្ថិតនៅមណ្ឌល២ សង្កាត់ស្វាយដង្គំ ក្រុងសៀមរាប កាលពីថ្ងៃទី៣០ ខែកញ្ញា ឆ្នាំ២០១៨ កន្លងទៅនេះ ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
