តាមសេចក្តីជូនដំណឹងរបស់ក្រសួងពាណិជ្ជកម្ម ចុះថ្ងៃទីថ្ងៃទី០១ ខែតុលា ឆ្នាំ២០១៩នេះ បានឲ្យដឹងថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន៤សេនដុល្លារក្នុងមួយលីត្រ ដោយចាប់ពីថ្ងៃទី០១ ដល់ថ្ងៃទី១៥ ខែតុលា ឆ្នាំ២០១៩នេះ ក្នុងនោះសម្រាប់សាំងធម្មតា EA92 តម្លៃ ៣.៧៥០ រៀលក្នុងមួយលីត្រ និង សម្រាប់ប្រេងម៉ាស៊ូត តម្លៃ ៣.៦០០ រៀលក្នុងមួយលីត្រ ។
តាមសេចក្តីជូនដំណឹង បានបញ្ជាក់បន្ថែមថា បើផ្អែកតាមតម្លៃមធ្យមប្រេងឥន្ធនៈលើទីផ្សារអន្តជាតិ ថ្លៃលក់រាយប្រេងឥន្ធនៈពីថ្ងៃទី០១ ដល់ ១៥ ខែតុលា ឆ្នាំ២០១៩ នឹងត្រូវលក់ ៣.៩១៧រៀលក្នុងមួយលីត្រ សម្រាប់សាំងធម្មតា EA92 និង ៣.៧៩៧រៀលក្នុងមួយលីត្រ សម្រាប់ប្រេងម៉ាស៊ូត ៕
សម្រួលអត្ថបទ ៖ លោក លីវ សាន្ត
