យុវជនចំនួន២នាក់ រួមមាន ៖ ១.ឈ្មោះ សរ រ៉ូ ភេទប្រុស អាយុ៣១ឆ្នាំ នៅភូមិគោកក្ដុល ឃុំកំពង់ភ្លុក ស្រុកប្រាសាទបាគង ជាប់ពាក់ព័ន្ធករណីរក្សាទុក ជួញដូរនិងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន និង ២. ឈ្មោះវ៉ិត សុជីអូ ភេទប្រុស អាយុ១៨ឆ្នាំ នៅភូមិកំពង់ថ្កូវ ឃុំមានជ័យ ស្រុកប្រាសាទបាគង ជាប់ពាក់ព័ន្ធករណីករណីចាត់ចែង ត្រូវបានកម្លាំងនគរបាលស្រុកប្រាសាទបាគងឃាត់ខ្លួន ក្នុងប្រតិបត្តិការមួយដែលកម្លាំងនគរបាលជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកប្រាសាទបាគង សហការជាមួយកម្លាំងប៉ុស្តិ៍កំពង់ភ្លុក និងប៉ុស្តិ៍មានជ័យ បានចុះធ្វើការបង្ក្រាបករណីរក្សាទុកជួញដូរ និងចាត់ចែងឲ្យប្រើប្រាស់ដោយខុសច្បាប់ នូវសារធាតុញៀនកាលពីថ្ងៃទី០៤ ខែតុលា ឆ្នាំ២០១៨ ម្សិលមិញនេះ ។
ក្នុងប្រតិបត្តិការនេះ កម្លាំងនគរបាលជំនាញដកហូតបានថ្នាំញៀនបានចំនួន២០កញ្ចប់តូច ស្មើនឹងទម្ងន់សុទ្ធ២,៩ក្រាម និងទូរស័ព្ទដៃចំនួន៣គ្រឿង ហើយក្រោយពីការសាកសួរ កម្លាំងនគរបាលជំនាញ បានបញ្ជូនខ្លួនយុវជនទាំងពីរនាក់ទៅកាន់ការិយាល័យជំនាញនៃស្នងការដ្ឋាននគរបាលខេត្ត ដើម្បីអនុវត្តបន្តតាមនីតិវិធីច្បាប់ ៕
អត្ថបទ និង រូបថត ៖ លោក ថាច់ ពិសុទ្ធ និង លោក គឿន វេត
កែសម្រួលអត្ថបទ ៖ លោក លីវ សាន្ត
