គ្រឿងញៀនជិតកន្លះគីឡូក្រាម ជនសង្ស័យ ៣នាក់ ព្រមទាំងវត្ថុតាងមួយចំនួនទៀត ត្រូវបានកម្លាំងសមត្ថកិច្ចការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប កសាងសំណុំរឿង បញ្ចូនទៅសាលាដំបូងខេត្តសៀមរាបនៅល្ងាចថ្ងៃទី ០៤ខែ តុលា ឆ្នាំ ២០១៩ម្សិលមិញនេះ។
ជនសង្ស័យទាំង៣នាក់ ត្រូវបានកម្លាំងសមត្ថកិច្ចការិយាល័យប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ សាលាកំរើក រួមនិងកំលាំងប្រជាការពារ សង្កាត់គោកចក ក្រុងសៀមរាប ធ្វើការបង្ក្រាប ថ្ងៃទី ០៣ ខែតុលា ឆ្នាំ ២០១៩ វេលាម៉ោង៤ល្ងាច នៅចំណុច ភូមិជន្លង់ សង្កាត់សាលាកំរើក ក្រុងសៀមរាប រួមមានឈ្មោះ៖
ទី១ រស់ រ៉ាដេត ភេទប្រុស ឆ្នាំកំណើត ១៩៨៦ គ្មានមុខរបរ មានទីលំនៅ ភូមិជន្លង់ សង្កាត់សាលាកំរើក ក្រុង ខេត្តសៀមរាប ពាក់ព័ន្ធករណី រក្សាទុក និងជួញដូរ និងគ្មានសារធាតុញៀនក្នុងខ្លួន។
ព័ត៌មានជាតិ ថ្មីៗ
ទី២ រស់ ឡងឌី ភេទប្រុស ឆ្នាំកំណើត ១៩៨៤ គ្មានមុខរបរ មានទីលំនៅ ភូមិជន្លង់ សង្កាត់សាលាកំរើក ក្រុង ខេត្តសៀមរាប ពាក់ព័ន្ធករណី ផ្សំគំនិតជួញដូរ និងគ្មានសារធាតុញៀនក្នុងខ្លួន។
ទី៣ សាំង សីហា ភេទស្រី ឆ្នាំកំណើត ១៩៩៣ គ្មានមុខរបរ មានទីលំនៅ ភូមិជន្លង់ សង្កាត់សាលាកំរើក ក្រុង ខេត្តសៀមរាប ពាក់ព័ន្ធករណី ផ្សំគំនិតជួញដូរ និងគ្មានសារធាតុញៀនក្នុងខ្លួន។
វត្ថុតាង ដែលដកហូតបានក្នុងប្រតិបត្តិការនោះ មានម្សៅមេតំហ្វេតាមីនប្រភេទទឹកកកចំនួន ២៧កញ្ចប់ធំ ស្មើនឹងទម្ងន់សុទ្ធ ៤៨៦.៥៣ ក្រាម ថ្នាំគ្រាប់យ៉ាម៉ា សញ្ញា W.Y ចំនួន ៦៣គ្រាប់ ស្មើនឹងទម្ងន់សុទ្ធ ២.៤០ក្រាម សម្ភារវេចខ្ចប់គ្រឿងញៀនមួយចំនួន ព្រមទាំងទូរសព្ទដៃ ចំនួន ០១គ្រឿង។
អត្ថបទ និងរូបភាព ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
