កាលពីពេលថ្មីៗកន្លងទៅនេះ មន្ត្រីជំនាញ់នៃអាជ្ញាធរជាតិអប្សរា បានអោយដឹងថា ប្រជាពលរដ្ឋត្រូវការសាងស់ងលំនៅឋាន ឬជួសជុលផ្ទះចាស់ នៅក្នុងរមណីយដ្ឋានអង្គរ ត្រូវទៅយកពាក្យស្នើសុំពីអាជ្ញាធរជាតិអប្សរា ដែលមានទីតាំងនៅភូមិបង្កោង ឃុំអំពិល ស្រុកប្រាសាទបាគង ឬនៅច្រកចេញចូលតែមួយក្នុងក្រុងសៀមរាប ដោយការផ្ដល់ពាក្យស្នើសុំសង់លំនៅឋានថ្មី ឬជួសជុល អាជ្ញាធរជាតិអប្សរាមិនត្រូវបង់ប្រាក់ឡើយ។
ក្នុងនោះដែរ លោក ឡុង កុសល ប្រធាននាយកដ្ឋានផ្សព្វផ្សាយនៃអាជ្ញាធរជាតិអប្សរា បានអោយដឹងដែរថា កន្លងមកនេះ មានបុគ្គលមួយចំនួនបានយកឈ្មោះជាមន្ដ្រីអាជ្ញាធរជាតិអប្សរា ដោយធានារត់ការធ្វើផ្ទះក្នុងរមណីយដ្ឋាអង្គរបាន ហើយក្រុមជនឆបោកនោះ បានយកប្រាក់ថ្លៃសេវារត់ការ ប៉ុន្ដែផ្ទុយទៅវិញ ការអះអាងនេះប្រជាពលរដ្ឋបានចាញ់បោកជននោះដោយបាត់បង់ទាំងថវិកា និងមិនបានទាំងជួសជុលនិងសាងសង់។ ជាពិសេសអាជ្ញាធរជាតិអប្សរា ក៏សូមប្រកាសដល់ប្រជាពលរដ្ឋខែ្មរ ដែលកំពុងរស់នៅក្នុងរមណីយដ្ឋានអង្គរ ដែលត្រូវការជួសជុលផ្ទះ ឬសាងសង់លំនៅឋានថ្មីលើផ្ទះចាស់ ត្រូវទៅទទួលពាក្យស្នើសុំសាងសង់ ដោយអាជ្ញាធរមិនត្រូវការទទួលសំណូក ឬយកថវិកាពីប្រជាពលរដ្ឋឡើយ។
លោកបានបន្ដថា ក្នុងការងារនេះដែរ អាជ្ញាធរជាតិអប្សរា មានគោលនយោបាយក្នុងការលើកតម្លៃ និងថែរក្សាអត្ដសញ្ញាណផ្ទះបុរាណខ្មែរ ដោយអនុញ្ញាប្រភេទសំណង់ផ្ទះបុរាណ សម្រាប់អ្នកស្រុកអង្គរ ដើម្បីថែរក្សា និងលើកកម្ពស់ទេសភាពវប្បធ៌មក្នុងរមណីយដ្ឋានអង្គរ ជាពិសេសលើកតម្លៃនិងអភិរក្សផ្ទះបុរាណខ្មែរ។
ព័ត៌មានជាតិ ថ្មីៗ
លោក ឡុង កុសល បានឲ្យដឹងបន្ថែមថា កន្លងមកអាជ្ញាធរជាតិអប្សរាបានដាក់ចេញនូវគោលការណ៍គំរូសាងសង់លំនៅដ្ឋានបែបខ្មែរបុរាណដល់អ្នកស្រុកអង្គរ ផ្ទះបែបបុរាណខ្មែរ ជាប្រភេទផ្ទះបានកសាងខ្ពស់ផុតពីដី ជាប្រភេទសំណង់ស្រាល គ្មានការជីកគ្រឹះជ្រៅទៅក្នុងដី និងមានទម្រង់៥ប្រភេទ ដោយប្រភេទនីមួយៗមានភាពខុសគ្នាត្រង់រចនាបថនៃដំបូល ។ ដោយអនុញ្ញាតឱ្យអ្នកស្រុកអង្គរ ជួសជុលផ្ទះចាស់ទ្រុឌទ្រោម ឬសាងសង់ផ្ទះថ្មីជំនួសផ្ទះចាស់ ក្នុងនោះដែរ ផ្ទះដែលត្រូវបានអនុញ្ញាតឱ្យសាងសង់ គឺជាប្រភេទផ្ទះដែលមានរចនាបថបែបខ្មែរ មានចំនួន៥ប្រភេទ គឺប្រភេទផ្ទះខ្មែរ ឬកឹង ប្រភេទផ្ទះរោង(ផ្ទះកន្តាំង) ប្រភេទផ្ទះរោងដោល ប្រភេទផ្ទះរោងឌឿង និងប្រភេទផ្ទះប៉ិត។ ចំពោះប្រភេទផ្ទះក្រៅពីនេះ មិនត្រូវបានអនុញ្ញាតឡើយ ដូចជាផ្ទះតៀម ផ្ទះល្វែងមួយជាន់ ឬច្រើនជាន់ ឬសំណង់ទាំងឡាយណាដែលមានការជីកគ្រឹះជ្រៅទៅក្នុងដី និងមានលក្ខណៈទំនើបកម្ម។
ក្នុងនោះដែរ អាជ្ញាធរជាតិអប្សរក៏បានគិតគូដល់ថ្នាំពណ៌ផ្ទះ ដំបូលត្រូវធ្វើអំពីក្បឿងប្រើពណ៌ដីដុត ឬពណ៌ស៊ីម៉ងត៍ ហ្វ៊ីប្រូ ឬស័ង្កសីត្រូវប្រើពណ៌ក្រហម ឬពណ៌បៃតង ជញ្ជាំងឥដ្ឋខាងក្រោមអាចលាបពណ៌ស៊ីម៉ងត៍ ឬពណ៌ដីលែង ឱ្យស្រគាំទៅនឹងពណ៌ឈើ ចំណែកឯជញ្ជាំង ទ្វារ បង្អួច ដែលធ្វើអំពីឈើត្រូវទុកសាច់ឈើធម្មជាតិ ឬក៏លាបពណ៌ដូចឈើធម្មជាតិ។ ការអនុញ្ញាតប្រជាពលរដ្ឋដែលបានរស់នៅក្នុងតំបន់១ និងតំបន់២ អាចរុះរើ ជួសជុលផ្ទះចាស់ទ្រុឌទ្រោម ឬសាងសង់ផ្ទះថ្មីជំនួសផ្ទះចាស់បាន ត្រូវមានលិខិតអនុញ្ញាតពីអាជ្ញាធរជាតិអប្សរាជាមុន ៕
អាជ្ញាធរជាតិអប្សរាណែនាំពលរដ្ឋ ត្រូវដាក់ពាក្យស្នើសុំធ្វើផ្ទះក្នុងតំបន់អង្គរ
អាជ្ញាធរជាតិអប្សរាណែនាំពលរដ្ឋ ត្រូវដាក់ពាក្យស្នើសុំធ្វើផ្ទះក្នុងតំបន់អង្គរដោយមិនទទួលសំណូក#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Saturday, October 5, 2019
អត្ថបទ និងរូបភាព ៖ លោក បូ សាវី
កែសម្រួលអត្ថបទ ៖ លោក អ៊ុន ណារាជ្យ
