សមត្ថកិច្ចនគរបាលខេត្តសៀមរាប បានឲ្យដឹងថា កាលពីវេលាម៉ោង១៦និង១០នាទី ថ្ងៃទី០៦ ខែតុលា ឆ្នាំ២០១៩ម្សិលមិញនេះ បុរសម្នាក់បានប៉ងធ្វើអត្តឃាតដោយអារកសម្លាប់ខ្លួនឯង ដោយប្រើកាំបិតបន្ទោះ នៅលើកំណាត់ផ្លូវជាតិលេខ៦ ត្រង់ចំណុចខាងកើតទីស្នាក់ការសាខាគយនិងរដ្ឋាករ ស្ថិតក្នុងភូមិសណ្ដាន់ សង្កាត់ទឹកវិល ក្រុងសៀមរាប ប៉ុន្តែមិនបណ្ដាលឲ្យស្លាប់នោះទេ ។
សមត្ថកិច្ចបានឲ្យដឹងទៀតថា ជនរងគ្រោះមានឈ្មោះ ពៅ ភេទប្រុស អាយុ៣៣ឆ្នាំ មុខរបរលក់កាំបិត មានស្រុកកំណើតនៅភូមិដើមស្ពៃ សង្កាត់ស្លាកែត ក្រុងបាត់ដំបង ខេត្តបាត់ដំបង សព្វថ្ងៃស្នាក់នៅជាមួយថៅកែដំកាំបិតលក់ ឈ្មោះ រី រ៉វី ភេទ ប្រុស អាយុ៣៧ឆ្នាំ រស់នៅភូមិគោកដូង សង្កាត់ទឹកវិល ក្រុងសៀមរាប ហើយមូលហេតុនេះ គឺដោយសារខឹងជាមូយប្រពន្ធសុំលែងលះគ្នា ហើយជនរងគ្រោះបានបញ្ជូនទៅសង្គ្រោះនៅពេទ្យមន្ទីរបង្អែកខេត្តសៀមរាប ៕
អត្ថបទ និង រូបថត : លោក ខេង ឧត្តម
កែសម្រួលអត្ថបទ : លោក លីវ សាន្ត
