តាមរបាយការណ៍បឋមរបស់នគរបាលចរាចណ៍ខេត្តសៀមរាប បានឲ្យដឹងនៅព្រឹកថ្ងៃទី០៧ ខែតុលា ឆ្នាំ២០១៩នេះ ថា កាលពីវេលាម៉ោង ១១និង១០នាទី នាថ្ងៃទី០៦ ខែតុលា ឆ្នាំ២០១៩ម្សិលមិញនេះ មានករណីគ្រោះថ្នាក់ចរាចរាណ៍មួយបានកើតឡើង នៅលើកំណាត់ផ្លូវក្រវ៉ាត់ក្រុងសៀមរាប ត្រង់ចំណុចផ្លូវចូលសាលាសង្តាត់ស្វាយដង្គំ រវាងរថយន្តធំជាមួយនឹងម៉ូតូ បណ្ដាលឲ្យស្ត្រីម្នាក់បានស្លាប់ភ្លាមៗនៅកន្លែងកើតហេតុ ។
របាយការណ៍បានឲ្យដឹងទៀតថា ករណីនេះគឺរថយន្តកូរ៉េ ធុន២តោនកន្លះ គ្មានស្លាកលេខ អ្នកបើកបរមិនស្គាល់អត្តសញ្ញាណ ដោយសាររត់គេចខ្លួនបាត់ក្រោយពេលកើតហេតុ បានបុកម៉ូតូម៉ាកឌ្រីម ធុន សេ១២៥ ពណ៌ខ្មៅ ពាក់ផ្លាកលេខ សៀមរាប ១AC. 8447 បើក បរ ដោយឈ្មោះ ខា ស្រីម៉ៅ ភេទស្រី អាយុ២៨ឆ្នាំ រស់នៅភូមិតាគង់ សង្កាត់សំបូរ ក្រុងសៀមរាប ខេត្តសៀមរាប បានស្លាប់កន្លែងកើតហេតុ ហើយករណីនេះសមត្ថកិច្ចនគរបាលខេត្តកំពុងតែអង្កេត និងស្រាវជ្រាវ ជុំវិញហេតុការណ៍ ចំណែកវត្ថុតាងបានយកទៅរក្សាទុកនៅស្នងការដ្ឋាននគរបាលខេត្តសៀមរាប ដើម្បីរងចាំការដោះស្រាយតាមផ្លូវច្បាប់ រីឯសាកសពជនរងគ្រោះ បានប្រគល់ជូនឲ្យទៅក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ និង រូបថត : លោក ខេង ឧត្តម
កែសម្រួលអត្ថបទ : លោក លីវ សាន្ត
ព័ត៌មានជាតិ ថ្មីៗ
