នៅរសៀលថ្ងៃទី០៩ ខែតុលា ឆ្នាំ២០១៩នេះ លោក សូរ ប្លាតុង អភិបាលនៃគណៈអភិបាលស្រុកប្រាសាទបាគង បានជួបពិភាក្សា ការងារជាមួយគណ:ប្រតិភូ ដឹកនាំដោយ លោក Hyo Eung Nam តំណាងក្រុមហ៊ុន JNR International Company មកពីសាធារណ:រដ្ឋកូរ៉េខាងត្បូង ដើម្បីពិភាក្សា និងពិនិត្យស្ថានភាព ក្នុងតំបន់រងផលប៉ះពាល់ ដោយសារគ្រាប់មីន និងសំណល់ជាតិផ្ទុះ សល់ពីសម័យសង្គ្រាមក្នុងខេត្តសៀមរាប ។
បើយោងតាម អនុស្សរណៈយោគយល់គ្នារវាងអាជ្ញាធរមីនកម្ពុជា និង ក្រុមហ៊ុន JNR International Company កាលពីពេលកន្លងមកនេះដែរ ពិតជាមានសារៈសំខាន់ណាស់ សម្រាប់វិស័យសកម្មភាពបោសសម្អាតមីននៅកម្ពុជា ដែលជាផ្នែកមួយ គាំទ្រដល់ការអភិវឌ្ឍន៍ដី ក្រោយពេលបោសសម្អាតមីនរួចឲ្យមានការអភិវឌ្ឍន៍ និងសេដ្ឋកិច្ចគ្រួសារប្រជាពលរដ្ឋ រីកចម្រើនប្រកបដោយចិរភាព។
ក្នុងនោះដែរក្រុមហ៊ុន JNR ក៏គ្រោងនឹងធ្វើកិច្ចសហប្រតិបត្តិការជាមួយ អាជ្ញាធរមីន និង អាជ្ញាធរមូលដ្ឋាន ដើម្បីសាងសង់ភូមិសន្តិភាព រួមទាំងការអភិវឌ្ឍដីធ្លីសម្រាប់បង្កបង្កើនផលដំណាំកសិកម្ម និងការចិញ្ចឹមសត្វផងដែរ ៕
អត្តបទនិងរូបភាព៖រដ្ឋបាលខេត្តសៀមរាប
កែសម្រួល ៖ អ៊ុន ណារាជ្យ
