នៅរសៀលថ្ងៃទី១៤ខែតុលា ឆ្នាំ២០១៩នេះ ឯកឧត្តម ទៀ សីហា អភិបាលខេត្តសៀមរាប បានបើកកិច្ចប្រជុំរៀបចំគណៈកម្មការ បច្ចេកទេសត្រៀមសម្រាប់ព្រះរាជពិធីបុណ្យអំុទូក បណ្តែតប្រទីប និងសំពះព្រះខែ អកអំបុក នៅថ្ងៃទី១០ ដល់ទី១២ ខែតុលា ឆ្នាំ២០១៩ ដែលមានទីតាំងតាមបណ្តោយស្ទឹងសៀមរាប ចាប់ពីស្ពានអតីតមន្ទីរទេសចរចរណ៍ចាស់រហូតដល់ស្ពានវត្តដំណាក់ ក្រុងសៀមរាប ។
ឯកឧត្តម ទៀ សីហា បានជម្រុញ ឱ្យសមាជិកសមាជិកាគណៈកម្មការនិងអនុគណៈកម្មាការទាំងអស់ផ្តោតការយកចិត្តទុកដាក់ទៅ លើការងារសន្តិសុខ សុវត្ថិភាព សណ្តាប់ធ្នាប់សាធារណៈ អនាម័យ សុខុមាលភាពសាធារណៈ បញ្ហាបរិស្ថាន ពិនិត្យទីតាំដាក់ភ្លើងបំភ្លឺ នៅតាមផ្លូវសាធារណៈ តាមកន្លែងលក់ដូរ ហើយជាងនេះទៅទៀតត្រូវជួយ សម្រួលដល់ការស្នាក់នៅរបស់ក្រុមកីឡាករ កីឡាការិនីឱ្យបានសមរម្យ និងរៀបចំកន្លែងសម្រាប់បងប្អូនអាជីវករលក់ដូរផងដែរ។
ឯកឧត្តមអភិបាលខេត្ត បានសង្កត់ធ្ងន់ នៅថ្ងៃក្រោយបញ្ចប់ពិធីបុណ្យ ត្រូវយកចិត្តទុកដាក់លើការសម្អាតអនាម័យ បរិស្ថានឱ្យបានស្អាតឡើងវិញ ដើម្បីធ្វើឲ្យខេត្តទេសចរណ៍មួយនេះនៅតែរក្សាសោភណ្ឌភាពបានល្អដូចថ្ងៃធម្មតា។
ព័ត៌មានជាតិ ថ្មីៗ
ឯកឧត្តមអភិបាលខេត្ត ក៏បានជំរុញដល់បណ្តាអង្គភាព ស្ថាប័នមន្ទីរជំនាញ និងសហភាពសហព័ន្ឋយុវជនកម្ពុជាខេត្តសៀមរាប សហការគ្នាឲ្យបានស្អិតរមួត ដើម្បីធ្វើយ៉ាងណាឱ្យដំណើរការកម្មវិធីបុណ្យជាតិនេះប្រព្រឹត្តិទៅដោយរលូន និងសប្បាយរីករាយទាំងអស់គ្នា។ ជាមួយគ្នានេះ ឯកឧត្តម បានជំរុញនិងណែនាំដល់សមាសភាពគណៈកម្មការទាំងអស់ ជួយផ្សព្វផ្សាយដល់អង្គភាពស្ថាប័ន និងវិស័យឯកជន ដែលបំណងចង់ចូលរួមបប្រណាំងទូក សូមរួសរាន់ស្នើសុំដាក់ពាក្យចូលមកប្រកួត ឱ្យបានឆាប់ ដើម្បីគណៈកម្មការបច្ចេកទេសជ្រើសរើស និងកំណត់គូប្រកួត។
អភិបាលខេត្តសៀមរាប បើកកិច្ចប្រជុំគណៈកម្មការបច្ចេកទេស ស…..
អភិបាលខេត្តសៀមរាប បើកកិច្ចប្រជុំគណៈកម្មការបច្ចេកទេស សម្រាប់ព្រះរាជពិធីបុណ្យអ៊ុទូក#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Monday, October 14, 2019
អត្ថបទ និង រូបភាព៖ យូ វង្ស
កែសម្រួល៖ សេង ផល្លី
