កាលពីរសៀលថ្ងៃទី១៤ ខែតុលា ឆ្នាំ២០១៩នេះ ឯកឧត្តម គុជ លីណា អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប និង តំណាងឯកឧត្តម ទៀ សីហា ប្រធានគណៈកម្មាធិការសាខា បានដឹកនាំក្រុមប្រតិបត្តិសាខា និងអនុសាខាកាកបាទក្រហមកម្ពុជាក្រុងសៀមរាប នាំយកអំណោយរបស់សាខាចូលរួមរំលែកមរណទុក្ខគ្រួសារសពចំនួន០២នាក់ មានទីលំនៅក្នុងភូមិអញ្ចាញ សង្កាត់នគរធំ ក្រុងសៀមរាប ដែលរងគ្រោះថ្នាក់ចរាចរណ៍នៅលើកំណាត់ផ្លូវ៦០ម៉ែត្រ ស្ថិតក្នុងភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប កាលពីវេលាម៉ោង ៥.៤០នាទីព្រឹក ថ្ងៃទី១២ ខែតុលា ឆ្នាំ២០១៩ ដែលគ្រួសារសពនិមួយៗទទួលបាន ៖ មុង១ , ភួយ១ , សារុង១ , ក្រមា១ , អាវយឺត១ , មី១កេស , ត្រីខ២យួរ , ទឹកបរិសុទ្ធ១កេស , អង្ករ៣០គីឡូក្រាម និង ថវិកា១លានរៀល ។
ជនរងគ្រោះទាំង០២នាក់ មានឈ្មោះ ៖ ១. ប្អូនប្រុស តាំ ចិន អាយុ ២៩ឆ្នាំ (ស្លាប់) ជាប្រជាការពារភូមិ មានភរិយាឈ្មោះ តី អូន និងមានកូនប្រុសម្នាក់ឈ្មោះ ចិន ចាន់ណា អាយុ៦ឆ្នាំ ក៏រងរបួសធ្ងន់ក្នុងគ្រោះថ្នាក់នោះដែរ ហើយកំពុងសម្រាកព្យាបាលនៅមន្ទីរទេព្យ និង ២. លោកតា ជៀប ប៉ុន អាយុ៧០ឆ្នាំ (ស្លាប់) ជាកសិករ មានភរិយាឈ្មោះ ប៉ិក សឿម អាយុ ៧១ឆ្នាំ ។
ក្នុងឱកាសចូលរួមរំទុក្ខដ៏ក្រៀមក្រំនេះ ឯកឧត្តមអនុប្រធានគណៈកម្មាធិការសាខា បានពាំនាំនៅការចូលរួមរំលែកមរណទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈ កម្មាធិការសាខា សូមចូលរួមរំលែកទុក្ខ និងសោកស្តាយជាទីបំផុត ជាមួយក្រុមគ្រួសារសពទាំង២ ដែលបាត់បង់មនុស្សជាទីស្រឡាញ់ក្នុងរយៈពេលតែមួយពព្រិចភ្នែកនាពេលនេះ ។
ព័ត៌មានជាតិ ថ្មីៗ
ឯកឧត្តមបន្តថា សូមប្អូនប្រុសកុំអស់សង្ឃឹមត្រូវតាំងស្មារតីឡើង ខិតខំប្រកបការងារបន្តទៀត ព្រោះថាគ្មានអ្នកណាម្នាក់ចង់ឱ្យកើតឡើងទេ តែធ្វើម្ដេចវាជាឧបទ្ទវហេតុដែលនឹកស្មានមិនដល់ ហេតុនេះសូមបួងសួងសូមឧទ្ទិសកុសលជូនដល់ដួងវិញ្ញាណក្ខ័ន្តសព សូមបានទៅកាន់សុខតិភពកំបីឃ្លៀងឃ្លាតឡើយ ៕
អត្ថបទ និង រូបថត ៖ លោក យូ វង្ស , អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
