នៅល្ងាចថ្ងៃទី២០ខែតុលាឆ្នាំ២០១៨ តំណាងអគ្គនាយកសារព័តមាន វិទ្យុ មិងទូរទស្សន៍ ខេត្តយូណានៃសាធារណៈរដ្ឋប្រជាមានិតចិន និង អគ្គនាយកទូរសទស្សន៍ជាតិកម្ពុជានៃព្រះរាជាណាចក្រកម្ពុជា បានចុះហត្ថលេខាលើអនុស្សរណយោគយល់ស្តីពីកិច្ចសហប្រតិបត្តិការបង្កើតប៉ុស្តិទូរទស្សឌីជីថលជាភាសាខ្មែរ ដើម្បីឱ្យប្រព័ន្ឋផ្សព្វផ្សាយនៃប្រទេសទាំងពីរកាន់តែរីកចម្រើននិងជឿនលឿនទៅមុខបន្ថែមទៀត។
ពិធីនេះ បានប្រារព្ធ ក្រោមអធិបតីភាព ឯកឧត្តម ខៀវ កាញារីទ្ឋ រដ្ឋមន្ត្រីក្រសួងព័ត៌មានកម្ពុជា និង ឯកឧត្តម Fan Wie Ping អនុរដ្ឋមន្ត្រីរដ្ឋបាលជាតិ វិទ្យុ-ទូរទស្សន៍ NRTA នៃសាធារណរដ្ឋប្រជាមានិតចិន ។
លោក យូ ឡី Yu Lei អគ្គនាយករង និងជាតំណាងក្រុមហ៊ុន យូណាន ឌីជីថល ធីវី ខេត្តយូណាន មានប្រសាសន៍ថា៖ក្រុមហ៊ុនយូណាឌីជីថលធីវី និងទូរសទស្សន៍ជាតិកម្ពុជាបានសហការបង្កើតគម្រោងទូរទស្សន៍ឌីជីថលDTMB កាលពីឆ្នាំ២០១២ ដែលមានគោលដៅឱ្យប៉ុស្តិ៍ទូរទស្សន៍ឌីជីថលដំណើរការចាក់ផ្សាយបានល្អប្រសើរ ក្នុងន័យរួមគ្នាជម្រុញនិងអភិវឌ្ឍប្រព័ន្ឋផ្សព្វផ្សាយរបស់កម្ពុជាឱ្យកាន់តែមានភាពរីកចម្រើនជឿនលឿនទៅមុខតាមរយៈប្រព័ន្ឋឌីជីថល។លោកបន្តថា៖អនុសារណៈ នាឱកាសនេះ បង្ហាញឱ្យឃើញពីជំហានរីកចម្រើនថ្មីមួយថែមទៀត បើកទំព័រនៃកិច្ចសហប្រតិបត្តិការលើកិច្ចការផ្សព្វផ្សាយ វិទ្យុនិងទូរទស្សន៍រវាងប្រទេសយើងទាំងពីរ បន្ថែមពីលើនៃចំណងមិត្តភាព សហប្រតិបត្តិការល្អរបស់យើង ដែលមានតាំង
ពីយូរលង់ណាស់មកហើយ។
ឯកឧត្តម ឃឹម វុទ្ឋី អគ្គនាយកនៃអគ្គនាយកដ្ឋានទូរទស្សន៍ជាតិកម្ពុជា មានប្រសាសន៍ថា ការបង្កើតប៉ុស្តិ៍ទូរទស្សន៍ Digital CCDTV .TVKជាភាសាខ្មែរ គឺជាលទ្ឋផលថ្មីក្រោមការខិតខំប្រឹងប្រែងរបស់យើងទាំងអស់គ្នា និងគឺជាជំហានអភិវឌ្ឍន៍ទំនាក់ទំនងកាន់តែទូលំទូលាយ និងយកចិត្តទុកដាក់បន្ថែមទៀត រវាងប្រជាជននៃប្រទេសទាំងពីរ កម្ពុជា ចិន។ចំពោះកិច្ចសហការបង្កើតប៉ុស្តិ៍ទូរទស្សន៍ នៅប្រទេសកម្ពុជានេះ ឯកឧត្តមថាជា បង្អួចថ្មីមួយសម្រាប់ការធ្វើឱ្យកាន់តែស៊ីជម្រៅ នូវចំណងមិត្តភាពនៃប្រជាពលរដ្ឋកម្ពុជានិងចិន ដែលវានឹងផ្តល់នូវការអប់រំចំណេះដឹង ប្រពៃណី វប្បធម៌ទំនៀមទំលាប់ នៃប្រទេសយើងទាំងពីរ និងប្រជាជនយើងទាំងពីរផងដែរ។
ឯកឧត្តម ឃឹម វុទ្ឋី ថ្លែងទៀតថា៖នៅពេលអនាគត ក្រសួងព័ត៌មាន និងរដ្ឋបាល វិទ្យុទូរទស្សន៍ចិន នឹងបន្តកិច្ចសហប្រតិបត្តិការ ដោយស្មើភាព ជឿជាក់ពីគ្នាទៅវិញទៅមក និងពិភាក្សាគ្នាដោយមិត្តភាព គាំទ្រគោលការណ៍គ្នាទៅវិញទៅមក ដើម្បីចែករំលែក ផ្តល់បទពិសោធ ព្រមទាំងជម្រុញការផ្សព្វផ្សាយព័ត៌មាន សម្រាប់ការអភិវឌ្ឍន៍ធនធានមនុស្ស កិច្ចសហការជាក់ស្តែងរវាងភាគីទាំងពីរ ឱ្យកាន់តែស៊ីជម្រៅ ដែលជាផលប្រយោជន៍ និងអភិវឌ្ឍន៍រួមជាមួយគ្នា។
