តាមសមត្ថកិច្ចនគរបាលខេត្តសៀមរាប បានឲ្យដឹងថា បន្ទាប់ពីទទួលបានព័ត៌មានពីម្ចាស់ផ្ទះជួលស្ថិតនៅភូមិវត្តដំណាក់ សង្កាត់សាលាកំរើក ក្រុងសៀមរាបថា មានជនបរទេសដេកស្លាប់ក្នុងបន្ទប់ជួល នៅវេលាម៉ោង១០និង៣០នាទី ថ្ងៃទី២២ ខែតុលា ឆ្នាំ២០១៨ នេះ ។
ហើយកម្លាំងសមត្ថកិច្ចនគរបាលជំនាញ និង លោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមសាលាដំបូងខេត្ត បានចុះទៅកន្លែងកើតហេតុ ដើម្បីធ្វើកោសល្យវិច្ឆ័យ និងបានពិនិត្យឃើញថា ជនរងគ្រោះមានឈ្មោះ Bhatti Kasarmahboob ភេទប្រុស កើតនៅថ្ងៃទី១០ ខែធ្នូ ឆ្នាំ១៩៦៩ ជនជាតិប៉ាគីស្ថាន កាន់លិខិតឆ្លងដែនលេខ CK3174162 មុខរបរគ្មាន បានស្លាប់ក្នុងរយៈពេល៣ថ្ងៃមកហើយ ដោយសារការធ្វើអត្តឃាតដោយខ្លួនឯង គឺយកថង់ផ្លាស្ទិកពណ៌ស ច្រកក្បាលរួច យកខ្សែស្បែកជើងចងរុំព័ទ្ធពីលើ បណ្តាលឲ្យថប់ដង្ហើមស្លាប់។
សាកសពត្រូវបានតម្កល់ទុកបណ្តោះអាសន្ននៅមន្ទីពេទ្យបង្អែកខេត្តសៀមរាប រង់ចាំឯកសារពីស្ថានទូត និងរង់ចាំក្រុមគ្រួសារ មកទទួលយក ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
