ថ្ងៃទី២១ ខែតុលា ឆ្នាំ២០១៨កន្លងទៅថ្មីៗនេះ កម្លាំងប៉ុស្តិ៍នគរ បាលរដ្ឋបាលឃុំស្រែណូយ នៃអធិការដ្ឋាននគរបាលស្រុកវ៉ារិន បានសហការជាមួយអង្គភាពកំចាត់កម្ពុជា ធ្វើការកម្ទេចគ្រាប់យុទ្ធភ័ណ្ឌមិនទាន់ផ្ទុះ សរុបចំនួន២១គ្រាប់ ។
ក្នុងនោះមានគ្រាប់ ធុន Dk 82mm ចំនួន០២គ្រាប់ , គ្រាប់ធុន60mm ចំនួន០១ គ្រាប់ , គ្រាប់ធុន B40 ចំនួន១៨គ្រាប់និងគ្រាប់កាំភ្លើងធុន AK-47 ចំនួន២០គីឡូក្រាម ។
ដែលសេសសល់ពីសម័យសង្គ្រាម ចំនួនពីរកន្លែងផ្សេងគ្នា ស្ថិតនៅចំណុចរការថ្មី ខាងជើងភូមិស្រែសមុទ្រ ឃុំស្រែណូយ ចម្ងាយប្រហែល៣គីឡូម៉ែត្រ និងនៅខាងកើតភូមិវៀន ស្ថិតក្នុងឃុំប្រាសាទ ចម្ងាយប្រហែល ២ គីឡូម៉ែត្រពីភូមិ ដែលគ្រាប់ទាំងនេះត្រូវបានប្រជាពលរដ្ឋបានប្រទះឃើញ និងបានរាយការជូនកម្លាំងប៉ុស្តិ៍នគរបាលរដ្ឋ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#គ្រាប់យុទ្ធភ័ណ្ឌមិនទាន់ផ្ទុះ
