កាលពីពេលថ្មីៗកន្លងទៅនេះ កងកម្លាំងនគរបាល នៃអធិការដ្ឋាននគរបាលស្រុកស្រីស្នំ សរុបចំនួន៣៤នាក់ ក្នុងនោះស្រី០២នាក់ ដឹកនាំដោយលោកវរសេនីយ៍ឯក អ៊ុន ស្រស់ អធិការនគរបាលស្រុក បានចុះទៅជួយរុះរើ និងប្រក់ដំបូលផ្ទះប្រជាពលរដ្ឋដែលរងគ្រោះដោយសារខ្យល់កន្ត្រាក់ ក្នុងនោះរលំផ្ទះ០១ខ្នង ជារបស់ឈ្មោះ កែវ ចាន់ទី ភេទស្រី អាយុ២៣ឆ្នាំ និងរបើកដំបូល០៣ខ្នង ជារបស់ឈ្មោះ ៖ ១. ឈ្មោះ មី សារ៉ាន ភេទប្រុស អាយុ៤២ឆ្នាំ , ២. ឈ្មោះថែលឿម ភេទប្រុស អាយុ៥២ឆ្នាំ និង ៣. ឈ្មោះ ម៉ៅ ដា ភេទប្រុស អាយុ៣២ឆ្នាំ ស្ថិតក្នុងភូមិចំការចេក ឃុំស្លែងស្ពាន ស្រុកស្រីស្នំ កាលពីវេលាម៉ោង១៥:៥០នាទី ថ្ងៃទី១៩ ខែតុលា ឆ្នាំ២០១៨កន្លងទៅនេះ ។
លោកវរសេនីយ៍ឯក អ៊ុន ស្រស់ មានប្រសាសន៍ថា អនុវត្តន៍តាមការណែនាំពីសំណាក់លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប ដែលលោកតែងតែបានប្រជុំដាស់តឿន ក្រើនរំលឹកដល់កម្លាំងក្រោមឱវាទឲ្យយកចិត្តទុកដាក់ជាប្រចាំ ក្នុងការបម្រើប្រជាពលរដ្ឋ ពិសេសក្នុងការចុះជួយប្រជាពលរដ្ឋ ដែលមានទុក្ខលំបាក និងជួបនូវបញ្ហាប្រឈមផ្សេងៗ ដើម្បីធ្វើការដោះស្រាយជូនពួកគាត់ឲ្យបានទាន់ពេលវេលា ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#ខ្យល់កន្ត្រាក់
