លោក យិន ស្រាង ប្រធានលេខាធិការដ្ឋានរដ្ឋបាលសាលាដំបូងខេត្តសៀមរាប បានមានប្រសាសន៍ថា ការបំផុសគំនិតឱ្យលេងកីឡាមិត្តភាពនេះឡើង គឺជាឱកាសល្អដល់មន្ត្រីរាជការ និងអ្នកស្នេហាវិស័យកីឡា ឆ្លៀតប្រើប្រាស់ពេលវេលា សម្រាកពីការងារ ចាប់យកការលេងកីឡា និងជាសារជួយបង្អាក់ ដាស់តឿន បងប្អូន ជាពិសេសយុវវ័យ កុំឱ្យយកពេលវេលាទៅប្រព្រឹត្តិអំពើឥតប្រយោជន៍ ចៀសវាងការយកពេលវេលាទៅសេពគ្រឿងញៀន និងប្រព្រឹត្តិអំពើអបាយមុខផ្សេងៗ ដែលសង្គមស្អប់ខ្ពើម ។
ហើយតាមរយៈការប្រកួតនេះ ក៏ជាចលករមួយ ជួយបណ្តុះឆន្ទៈចេះជួយយកអាសារ និងយល់ទុក្ខធុរៈគ្នា ដើម្បីជាប្រយោជន៍ដល់សង្គមផង និងខ្លួនឯងផង និងនាំមកនូវសេចក្តីថ្លៃថ្នូរ និងកិត្តិយសដល់ខ្លួនឯងដល់គ្រួសារនិងសង្គមជាតិទាំងមូល ។
លោក យិន ស្រាង មានប្រសាសន៍បែបនេះ ក្នុងឱកាសដឹកនាំកីឡាករជាមន្ត្រីសាលាដំបូងខេត្ត មកប្រកួតបាលទាត់មិត្តភាពជាមួយកីឡាករជាបុគ្គលិកសណ្ឋាគារសុខា នៅថ្ងៃទី២៣ ខែតុលា ឆ្នាំ២០១៨ ៕
អត្ថបទ និង រូបថត ៖ លោក យូ វង្ស
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#កីឡា
