លោកវរសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថា កាលពីវេលាម៉ោង៦ព្រឹក ថ្ងៃទី៣១ ខែតុលា ឆ្នាំ២០១៩នេះ ស្ត្រីម្នាក់ត្រូវបានប្រទះឃើញស្លាប់ នៅចំណុចទឹកស្រែ ដែលមានជម្រៅ២តឹក ស្ថិតក្នុងភូមិសំបួរ ឃុំរើល ស្រុកពួក ខេត្តសៀមរាប ដែលស្ត្រីរងគ្រោះមានឈ្មោះ វ័រ ហ៊ុប អាយុ៤៣ឆ្នាំ មុខរបរកសិករ មានទីលំនៅភូមិសំបួរ ឃុំរើល ហើយក្រោយពីទទួលបានសេចក្តីរាយការណ៍ កម្លាំងសមត្ថកិច្ច បានចុះទៅដល់កន្លែងកើតហេតុ និងបានពិនិត្យឃើញ សាកសពលង់ទឹកដោយផ្តេកខ្លួនទៅចំហៀងខ្លួនខាងស្តាំ ក្បាលនិងច្រមុះលិចក្នុងទឹកក្រៅ ដែលក្រៅពីនោះពុំមានឃើញមានសា្លកសា្នមពាក់ព័ន្ធនឹងបទល្មើសឡើយ ។
លោកវរសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថា បើតាមការអះអាងរបស់កូននិងប្តី បានឲ្យដឹងថា សាកសពតែងផឹកស្រាជាប្រចាំ មិនសូវហូបបាយទឹកទេ ហើយមុនពេលស្លាប់មួយថ្ងៃ ជនរងគ្រោះបានប្រាប់ថាទៅលេងផ្ទះបងប្អូនក្នុងភូមិឃុំជុំគ្នា ហើយដើរទៅបាត់ម្នាក់ឯងក្នុងស្ថានភាពស្រវឹង លុះរំលងបានមួយថ្ងៃ គឺនៅថ្ងៃកើតហេតុដោយមិនឃើញត្រឡប់មកផ្ទះ ទើបតាមទៅរកក៏ឃើញដេកស្លាប់នឹងទឹកវាលស្រែកើតហេតុតែម្តង ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
