នៅព្រឹកថ្ងៃទី២៥ ខែតុលា ឆ្នាំ២០១៨ នេះ អនុសាខាកាកបាទក្រហមកម្ពុជាស្រុកស្វាយលើ បានទទួលអំណោយមនុស្សធម៌ជាគ្រឿងឧបភោគ បរិភោគ រួមមាន ៖ អង្ករ ចំនួន១.១៥០គីឡូក្រាម , មីចំនួន៧៣កេះ , ទឹកត្រីចំនួន៧៦យួរ , ទឹកស៊ីអ៊ីវចំនួន៦៧យួរ , ត្រីខកំប៉ុងចំនួន២៦យួរ , ប្រេងឆាចំនួន៤០លីត្រ , ស្ករសទម្ងន់៨គីឡូក្រាម , អំបិលទម្ងន់៨គីឡូក្រាម , ខ្ទឹមសទម្ងន់៨គីឡូក្រាម , ទឹកសុទ្ឋចំនួន២០យួរ និង ថវិកាចំនួន៣.០៥៥.០០០ រៀល ពីព្រះសង្ឃគង់ប្រចាំនៅវត្តចំនួន៤វត្ត ក្នុងស្រុកស្វាយលើ រួមមានវត្តព្រះអង្គធំ , វត្តព្រះអង្គជប់ , វត្តអន្លង់ធំ និង វត្តស្វាយលើ និងក្រុមហ៊ុនអន្តរជាតិ-កម្ពុជា ប្រចាំនៅភូមិទឹកលិច ឃុំបឹងមាលា ស្រុកស្វាយលើ។
សូមបញ្ជាក់ថា ការទទួលបានអំណោយមនុស្សធម៌ទាំងនេះ គឺរយៈកាលកន្លងមក អនុសាខាកាកបាទក្រហមកម្ពុជាស្រុកស្វាយលើ បានធ្វើសេចក្តីអំពាវនាវដល់សប្បុរសជន អង្គការសង្គមស៊ីវិល វត្តអារាម និងក្រុមហ៊ុននានា នៅក្នុងស្រុកស្វាយលើ ដើម្បីគៀងគរគ្រឿងឧបភោគបរិភោ និងសម្ភារ ក៏ដូចជាថវិកាជាដើម ដើម្បឆ្លើយតប ដោះស្រាយបញ្ហាគ្រោះមហន្តរាយផ្សេងៗ និងជួយដល់កុមារកំព្រា ចាស់ជរាគ្មានទីពឹង ស្ត្រីមេមាយ ជនទីទ័លក្រ នៅឃុំទាំង៥ ក្នុងស្រុកស្វាយលើ ៕
អត្ថបទ និង រូបថត ៖ រដ្ឋបាលស្រុកស្វាយលើ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#កាកបាទក្រហម
