មនុស្សចំនួន៣នាក់ រួមមាន ៖
០១. ឈ្មោះ ស្រេង វាសនា ភេទប្រុស ឆ្នាំកំណើត១៩៩០ មុខរបរគ្មាន មានទីលំនៅភូមិរកា ឃុំកំពង់ចិនជើង ស្រុកស្ទោង ខេត្តកំពង់ធំ ជាប់ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន ,
០២. ឈ្មោះ លេន ឡាយ ភេទប្រុស ឆ្នាំកំណើត២០០០មុខរបរគ្មាន មានទីលំនៅភូមិតាប៉ាង ឃុំកំពង់ចិនជើង ស្រុកស្ទោង ខេត្តកំពង់ធំ ជាប់ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន និង
០៣. ឈ្មោះ រៀម ភារុណ ភេទប្រុស ឆ្នាំកំណើត២០០០ មុខរបរគ្មាន មានទីលំនៅភូមិសំប៉ាន ឃុំម្យាក្រង ស្រុកស្ទោង ខេត្តកំពង់ធំ ជាប់ពាក់ព័ន្ធនឹងករណីរក្សាទុកនិងចាត់ចែង ហើយមានសារធាតុញៀនក្នុងខ្លួន រួមជាមួយនឹងម្សៅមេតំហ្វេតាមីន ប្រភេទទឹកកក ចំនួន០១កញ្ចប់ ស្មើនឹងទម្ងន់០,៤ក្រាម ជាទម្ងន់សុទ្ធ និង ទូរស័ព្ទដៃចំនួន ០៣គ្រឿង ។
ត្រូវបានសមត្ថកិច្ចនគរបាលជំនាញខេត្តសៀមរាប បញ្ជូនទៅតុលាការខេត្ត នៅរសៀលថ្ងៃទី២៥ខែ តុលា ឆ្នាំ២០១៨ ថ្ងៃនេះ ដើម្បីចាត់ការទៅតាមនីតិវិធីនៃច្បាប់ បន្ទាប់ពីកម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលស្រុកប្រាសាទបាគង ឃាត់ខ្លួនបាន ក្នុងប្រតិបត្តិការចុះបង្ក្រាបបទរក្សាទុកនិងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន នៅចំនុចភូមិអង្គ្រង ឃុំកន្ទ្រាំង ស្រុកប្រាសាទបាគង ខេត្តសៀមរាប កាលពីវេលាម៉ោង២៣និង៣០នាទី ថ្ងៃទី២៣ ខែតុលា ឆ្នាំ២០១៨ កន្លងទៅនេះ ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#គ្រឿងញៀន
