កាលពីល្ងាចថ្ងៃទី០៤ ខែវិច្ឆិកា ឆ្នាំ២០១៩នេះ ក្រុមសហគ្រិនមកពីតាមបណ្ដាខេត្ដក្នុងប្រទេសកម្ពុជាប្រមាណ១០០នាក់ បានជួបជុំគ្នានៅខេត្ដសៀមរាប ដើម្បីពិភាក្សា និងចែករំលែកបទពិសោធន៍ រៀបចំធ្វើផែនការអាជីកម្មអោយគ្នាទៅវិញទៅមក ដើម្បីរកគន្លឹះការធ្វើមុខជំនួញរបស់ពួកគាត់ អោយទទួលបានភាពជោគជ័យ ដែលបានធ្វើឡើងនៅខេត្ដសៀមរាប ក្រោមការរៀបចំឡើងដោយក្រុមផែនការជំនួញស្ដង់ដារអន្ដរជាតិ ។
តាមការបញ្ជាក់របស់ លោក ស៊ុន ហ៊ុន ប្រធានក្រុមផែនការជំនួញស្ដង់ដារអន្ដរជាតិហៅកាត់ថា ISBP បានអោយដឹងថា ជំនួបសហគ្រិននេះ រៀបចំឡើងដើម្បីបញ្ជ្រាបការយល់ដឹងអំពីគន្លឹះក្នុងការកសាងផែនទីបង្ហាញផ្លូវគ្រប់វិស័យជំនួញ ISBP និងកិច្ចសហប្រត្តិបត្តិការជំនួញប្រកបដោយប្រសិទ្ធិភាព និងដើរអោយទាន់អន្តរជាតិ ។
លោកបន្តថា កម្មវិធីនេះបានប្រព្រិត្តិទៅជោគជ័យមានផ្លែផ្កាប្រកបដោយទំនាក់ទំនងវិនិយោគ និងកិច្ចសហប្រត្តិ បត្តិការប្រកបដោយសហគ្រិនភាព ស្របតាមសន្តិភាពនៃរដ្ឋាភិបាលកម្ពុជានាពេលបច្ចប្បន្ន។
លោក ស៊ុន ហ៊ុន បញ្ជាក់បន្ថែមដែរថា ISBP Group ក៍ជាក្រុមអ្នកឯកទេសក្នុងការប្រឹក្សាយោបល់គ្រប់វិស័យជំនួញ និង រៀបចំផែនការជំនួញស្តង់ដារអន្តរជាតិ និង ជាក្រុមអ្នកឯកទេសក្នុងការរៀបចំអាជីវកម្មទូរទៅជា Franchise ជាលក្ខណៈអន្តរជាតិ។ ផែនការអាជីវកម្ម សម្រាប់វិនិយោគទៅលើក្រុមអ្នកជំនួញអាជីវកម្ម ក្នុងយុគ្គសម័យថ្មី ដើម្បីឱ្យមានជំនាញច្បាស់លាស់ មុននិងសម្រេចចិត្តដាក់ទុន វិនិយោគទៅលើគម្រោងណាមួយ។ជាមួយគ្នានោះទំនាក់ទំនងវិនិយោគ និងកិច្ចសហប្រត្តិបត្តិការប្រកបដោយសហគ្រិនភាព ស្របតាមសន្តិភាពនៃរដ្ឋាភិបាលកម្ពុជានាពេលបច្ចប្បន្ន ៕
អត្ថបទ និង រូបភាព ៖ បូ សាវី
កែសម្រួល៖ អ៊ុន ណារាជ្យ
