ព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ក្នុងខេត្តសៀមរាប សរុបចំនួន ៤ថ្ងៃ ដែលបូករួមនឹងឯករាជ្យជាតិខ្មែរមួយថ្ងៃទៀតនោះ បានធ្វើឲ្យបរិមាណសំរាមមានការកើនឡើងជាងឆ្នាំមុន ប៉ុន្តែបញ្ហានេះ រដ្ឋបាលខេត្តសៀមរាប បានគ្រប់គ្រងបានយ៉ាងល្អប្រសើរ ដោយពុំមានមានបន្សល់ទុកសំរាមរាយប៉ាយ ក្នុងបរិវេណពិធីបុណ្យរយៈទាំង៤ថ្ងៃនោះឡើយ។
តាមការឲ្យដឹងពីលោក អ៊ិន សុខា ប្រធានការិយាល័យបរិស្ថាន នៃមន្ទីរមន្ទីរបរិស្ថានខេត្តសៀមរាប បានឲ្យដឹងថា បញ្ហាសំរាម អំឡុងព្រះរាជពិធីបុណ្យអុំទូក ក្នុងខេត្តសៀមរាបឆ្នាំ២០១៩នេះ មន្ទីរបានសហការជាមួយសាលាក្រុងសៀមរាប សហភាពសហព័ន្ធយុវជនកម្ពុជា ខេត្តសៀមរាប រួមនិងក្រុមហ៊ុនឯកជនប្រមូលសំរាមទាំង៣ក្រុមហ៊ុន បានយ៉ាងល្អប្រសើរ។ លើសពីនោះ ក្រៅពីការប្រមូលសំរាម ក៏មានការចងបដាពាក្យស្លោកអំពីបរិស្ថានក្នុងពិធី ការសួរសំណួរ យករង្វាន់ និងចែកចង់សំរាមផងដែរ។
បើតាមលើកឡើងពី បុគ្គលោករបស់ក្រុមហ៊ុនប្រមូលសំរាម ហ្គាអៀ (Gaea) ក្នុងខេត្តសៀមរាប បញ្ជាក់ថាប្រជាពលរដ្ឋ ដែលបានមកលេងនៅបរិវេណពិធីបុណ្យនៅក្នុងថ្ងៃទី១ មានការយល់ដឹងច្រើន ដោយមិនបោះសំរាមចោលគ្មានសណ្ដាប់ធ្នាប់ឡើយ។
សំរាមក្នុងពិធីបុណ្យអុំទូកក្នុងខេត្តសៀមរាប មានការកើនឡើងជាងឆ្នាំមុន
សំរាមក្នុងពិធីបុណ្យអុំទូកក្នុងខេត្តសៀមរាប មានការកើនឡើងជាងឆ្នាំមុន#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Wednesday, November 13, 2019
អត្ថបទ និងរូបភាព៖ សេង ផល្លី និងសហការី
