នៅឆ្នាំ២០១៩នេះ រដ្ឋបាលខេត្តសៀមរាប បានរៀបចំព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក សរុបចំនួន ៤ថ្ងៃ ដែលបូករួមនឹងឯករាជ្យជាតិខ្មែរមួយថ្ងៃទៀតផងដែរ។
ប្រជាពលរដ្ឋក្នុងខេត្ត ក៏ដូចជាភ្ញៀវទេសចរណ៍បានលើកឡើស្រដៀងគ្នាថា ការរៀបចំព្រឹតិ្ដការនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ក្នុងក្រុងសៀមរាប រយៈពេល៣ថ្ងៃ មានភាពល្អប្រសើរ ទាំងបរិស្ថាន សន្ដិសុខ សណ្ដាប់ធ្នាប់សាធារណៈនៅតាមដងផ្លូវ។
ពួកគាត់បានបន្ដថា ការតុបតែងសោភណ្ឌភាព រួមនឹងភ្លើងលម្អក្នុងក្រុង អំឡុងព្រះរាជពិធីបុណ្យអុំទូកមានភាពទាក់ទាញ ជាពិសេសទាំងបរិស្ថាន អនាម័យ ក៏មានភាពស្រស់បំព្រង កាន់ល្អប្រសើរឡើង ពីមួយឆ្នាំទៅមួយឆ្នាំ។
ការរៀបចំពិធីបុណ្យព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក នៅក្នុងខេត្តសៀមរាប វាមិនត្រឹមតែបានរំលឹកដល់បុព្វបុរសខ្មែរ ដែលខិតខំការពារទឹកដី កេរដំណែលវប្បធម៌ប៉ុណ្ណោះទេ ឯកឧត្តម ទៀ សីហា អភិបាលខេត្ដសៀមរាប បានលើកឡើងថា ភាពសប្បាយរីករាយ របស់ប្រជាពលរដ្ឋក្នុងពិធីបុណ្យវាបានទាក់ទាញឲ្យ ភ្ញៀវទេសចរជាតិ-អន្តរជាតិ ចង់ដឹងចង់ស្គាល់ពីវប្បធម៌ខ្មែរ និងចង់មកទស្សនាប្រទេសកម្ពុជាកាន់តែច្រើនថែមទៀត។
ពលរដ្ឋលើកឡើងថា ពិធីបុណ្យអុំទូកឆ្នាំ២០១៩ មានភាពសប្បាយរីករាយ និង
ពលរដ្ឋលើកឡើងថា ពិធីបុណ្យអុំទូកឆ្នាំ២០១៩ មានភាពសប្បាយរីករាយ និងល្បែងប្រជាប្រិយកំសាន្តច្រើន#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Wednesday, November 13, 2019
អត្ថបទ និងរូបភាព៖ លោក ប៊ូ សាវី
កែសម្រួលអត្ថបទ៖ លោក សេង ផល្លី
