ក្រសួងដែនដី និងរដ្ឋបាលខេត្ដសៀមរាប រៀបចំសិក្ខាសាលាស្តីពី “ការផ្ទៀងផ្ទាត់ទិន្នន័យ” សិក្ខាសាលាពិគ្រោះយោបល់ស្តីពី “ការកំណត់ចក្ខុវិស័យ សេណារីយ៉ូ គោលដៅ និងយុទ្ធសាស្ត្រអភិវឌ្ឍន៍ ” និងថ្ងៃនេះ និងសិក្ខាសាលាពិគ្រោះយោបល់ជាសាធារណៈចុងក្រោយជាមួយអ្នកពាក់ព័ន្ធ សម្រាប់ការកសាងផែនការរៀបចំដែនដីខេត្តសៀមរាប
ឯកឧត្តម បណ្ឌិត ឌុច វនទីតូ អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារដឹកនាំ និងជម្រុញផែនការរូបវ័ន្តខេត្តសៀមរាប បានមានប្រសាសន៍ថា តាមរយៈសិក្ខាសាលានេះ ខ្ញុំសង្ឃឹមយ៉ាងមុតមាំថា ឯកឧត្តម លោកជំទាវ លោក លោកស្រី សមាជិក និងសមាជិកានៃអង្គសិក្ខាសាលាទាំងមូលនឹងចូលរួមពិភាក្សា និងផ្តល់ធាតុចូលល្អៗបន្ថែមទៀត ដើម្បីធ្វើឱ្យសេចក្តីព្រាង “ផែនការរៀបចំដែនដីខេត្តសៀមរាប” មានលក្ខណៈកាន់តែប្រាកដប្រជា អាចអនុវត្តបាន និងអាចទទួលយកបាន សម្រាប់គ្រប់ភាគីពាក់ព័ន្ធ ។
ឯកឧត្ដមបានបន្ដថា ក្នុងនាមរដ្ឋបាលខេត្ត និងក្នុងនាមខ្លួនខ្ញុំផ្ទាល់ ខ្ញុំសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោកជំទាវ លោក លោកស្រីតំណាងក្រសួង មន្ទីរ ស្ថាប័ន និងអង្គភាពពាក់ព័ន្ធទាំងអស់ដែលបានចំណាយពេលវេលាដ៏មានតម្លៃចូលរួមក្នុងសិក្ខាសាលាពិគ្រោះយោបល់ជាសាធារណៈចុងក្រោយជាមួយអ្នកពាក់ព័ន្ធ សម្រាប់ការកសាងផែនការរៀបចំដែនដីខេត្តសៀមរាប ហើយឯកឧត្ដមមានសង្ឃឹមយ៉ាងមុតមាំថា អង្គសិក្ខាសាលានាថ្ងៃនេះ នឹងប្រព្រឹត្តិទៅដោយរលូន និងទទួលបានលទ្ធផលតាមការគ្រោងទុក។
ព័ត៌មានជាតិ ថ្មីៗ
ឯកឧត្ដម ពិន ប្រាកដ អភិបាលរង ខេត្តសៀមរាប មានប្រសាសន៍ថា ខេត្ដសៀមរាប ជាទឹកដីសម្បត្តិបេតិកភ័ណ្ឌ វប្បធម៌ពិភពលោកដ៏មហាអស្ចារ្យ ដែលជាស្នាដៃបន្សល់ទុកពីបុព្វបុរសខ្មែរយើង ជាទឹកដីពោរពេញទៅដោយរមណីយដ្ឋានទេសចរណ៍ វប្បធម៌ អរិយធម៌ និងប្រវត្តិសាស្ត្រដ៏សម្បូរបែប ដែលជម្រុញឱ្យទឹកដីសៀមរាបក្លាយ ជាទិសដៅទេសចរណ៍ដ៏ទាក់ទាញ សម្រាប់ភ្ញៀវទេសចរជាតិ និងអន្តរជាតិ មកពីគ្រប់មជ្ឈដ្ឋានជុំវិញពិភពលោក ។ ដើម្បីឆ្លើយបតនឹងការកើនទ្បើងនៃភ្ញៀវទេសចរ រដ្ឋបាលខេត្តសៀមរាប រដ្ឋបាលក្រុងសៀមរាប គណៈកម្មាធិការរៀបចំដែនដី និងនគរូបនីយកម្មក្រុងសៀមរាប និងខេត្តសៀមរាប និងមន្ទីរពាក់ព័ន្ធជុំវិញខេត្ត បានកំពុងអនុវត្ត “ប្លង់គោលប្រើប្រាស់ដីក្រុងសៀមរាប ” ។
ឯកឧត្ដមបានបន្ដថា ដើម្បីឱ្យស័ក្តិសមកិតិ្តនាម ជាខេត្តទេសចរណ៍ ជាប៉ូលអភិវឌ្ឍសេដ្ឋកិច្ច ជាច្រករបៀងសេដ្ឋកិច្ច និងជាខេត្តដែលជួយជម្រុញដល់ការអភិវឌ្ឍប៉ូលសេដ្ឋកិច្ចទី៤ (តំបន់កន្ទុយនាគ) រដ្ឋបាលខេត្តក៏បាននឹងកំពុងចូលរួមរៀបចំ “ផែនការមេអភិវឌ្ឍន៍ទេសចរណ៍ខេត្តសៀមរាប” និងជាពិសេសគឺការកសាង “ផែនការរៀបចំដែនដីខេត្តសៀមរាប” នាថ្ងៃនេះ សំដៅធ្វើសមាហរណកម្មគ្រប់វិស័យ ពាក់ព័ន្ធទាំងអស់ក្នុងខេត្ត និងជុំវិញខេត្ត មានជាអាទិ៍ វិស័យដីធ្លី នគរូបនីយកម្ម និងសំណង់ ហេដ្ឋរចនាសម្ព័ន្ធរូបវ័ន្ត និងហេដ្ឋារចនាសម្ព័ន្ធបច្ចេកទេស និងធនធានធម្មជាតិ សំដៅតភ្ជាប់ទំនាក់ទំនងសេដ្ឋកិច្ច និងពាណិជ្ជកម្មជាមួយខេត្តជុំវិញក្នុងប្រទេស និងក្នុងតំបន់ផងដែរ ។
ឯកឧត្ដម បានបន្ថែមថា តាមរយៈសិក្ខាសាលានេះ ខ្ញុំសង្ឃឹមយ៉ាងមុតមាំថា ឯកឧត្តម លោកជំទាវ លោក លោកស្រី សមាជិក និងសមាជិកានៃអង្គសិក្ខាសាលាទាំងមូលនឹងចូលរួមពិភាក្សា និងផ្តល់ធាតុចូលល្អៗបន្ថែមទៀត ដើម្បីធ្វើឱ្យសេចក្តីព្រាង “ផែនការរៀបចំដែនដីខេត្តសៀមរាប” មានលក្ខណៈកាន់តែប្រាកដប្រជា អាចអនុវត្តបាន និងអាចទទួលយកបាន សម្រាប់គ្រប់ភាគីពាក់ព័ន្ធ ៕
ក្រសួងដែនដី និងរដ្ឋបាលខេត្ដសៀមរាប រៀបចំសិក្ខាសាលាស្តីពី ការផ្ទៀងផ្ទាត់
ក្រសួងដែនដី និងរដ្ឋបាលខេត្ដសៀមរាប រៀបចំសិក្ខាសាលាស្តីពី ការផ្ទៀងផ្ទាត់ទិន្នន័យ សិក្ខាសាលាពិគ្រោះយោបល់ស្តីពី ការកំណត់ចក្ខុវិស័យ សេណារីយ៉ូ គោលដៅ និងយុទ្ធសាស្រ្តអភិវឌ្ឍន៍ #ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Thursday, November 14, 2019
