សមត្ថកិច្ចស្រុកវ៉ារិន បានសហការជាមួយកម្លាំងជំនាញនៃការិយាល័យប្រឆាំងការជួញដូរមនុស្ស និងការពារអនីតិជនខេត្តសៀមរាប បានឃាត់ខ្លួនជនសង្ស័យចំនួនមួយរូប ពាក់ព័ន្ធនឹងអំពើរំលោភសេពសន្ថវៈលើកុមារីវ័យ ៥ឆ្នាំមួយរូប ស្ថិតក្នុងស្រុកវ៉ារិន ខេត្តសៀមរាប។
លោកវរសេនីយ៍ឯក ជា ហេង នាយការិយាល័យប្រឆាំងការជួញដូរមនុស្ស និងការពារអនីតិជនខេត្តសៀមរាបបានឲ្យដឹងថា ជនសង្ស័យគឺជាឪពុកចុង របស់ជនរងគ្រោះ។
យោងតាមរបាយការណ៍សមត្ថកិច្ច ជនសង្ស័យ បានរំលោភកុមារីរូបនេះ បានសម្រេចចំនួន ២លើក កាលពីខែកក្កដា ឆ្នាំ២០១៩។ លុះដល់ ខែវិច្ឆិកា ឆ្នាំ២០១៩នេះ ជីដូនរបស់កុមារី និងត្រូវជាម្ដាយក្មេកជនសង្ស័យបានដាក់ពាក្យបណ្ដឹងមក សមត្ថកិច្ចស្រុកវ៉ារិន ខេត្តសៀមរាប នៅវេលាម៉ោង១២រសៀល ថ្ងៃទី ១៣ ខែវិច្ឆិកា ឆ្នាំ២០១៩ ។
ព័ត៌មានជាតិ ថ្មីៗ
នៅវេលាម៉ោង១៣:០០នាទី ថ្ងៃដដែល តាមបញ្ជាលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប បានធ្វើការឃាត់ខ្លួនជនសង្ស័យ ឈ្មោះ ព្រឿង សំ ភេទប្រុស និងកសាងសំណុំរឿងបញ្ជូនទៅតុលាការដើម្បីអនុវត្តតាមនីតិវិធីបន្ត៕
អត្ថបទ និងរូបភាព៖ លោក អ៊ិន សីហរិទ្ធ
កែសម្រួលអត្ថបទ៖ លោក សេង ផល្លី
