នៅព្រឹកថ្ងៃទី១៧ ខែវិច្ឆិកា ឆ្នាំ២០១៩នេះ ក្រុមការងារបច្ចេកទេសរបស់មន្ទីរសាធារណការ និងដឹកជញ្ជូនខេត្តសៀមរាប បានបន្តធ្វើការជួសជុលថែទាំផ្លូវមួយចំនួនក្នុងក្រុងសៀមរាប រួមមាន ៖គម្រោងជួសជុលផ្លូវខេត្តលេខ២៦៦C ចំណុចបំបែកផ្សារព្រះដាក់ ស្ថិតក្នុងភូមិព្រះដាក់ ឃុំព្រះដាក់ ស្រុកបន្ទាយស្រី បន្ទាប់ពីបញ្ចប់សកម្មភាពចាក់លូរួចមក ថ្ងៃនេះបានបន្តកៀរកិនបង្ហាប់ដើម្បីចាក់ក្រាលបេតុងតួផ្លូវ ។
ក្នុងនោះដែរក្រុមការងារក៏បានធ្វើការកៀរសម្រួលដីក្រហមនៅផ្លូវខេត្តលេខ២៦៤៧ ស្ថិតក្នុងឃុំកន្ទួត ស្រុកស្វាយលើ បន្តជួសជុលផ្លូវកៅស៊ូDBSTនៅផ្លូវខេត្តលេខ២៦៥B ចន្លោះគ.ម៧ ដល់គ.ម៩ ស្ថិតក្នុងឃុំជីក្រែង ស្រុកជីក្រែង ជួសជុលកៅស៊ូDBSTលើផ្លូវស្រុកក្រឡាញ់ និងនៅផ្លូវ៧មករា ចំណុចប្រសព្វផ្លូវលោកតាណឺយ (ផ្លូវក្នុងក្រុង) ស្ថិតក្នុងភូមិវត្តបូព៌ សង្កាត់សាលាកំរើក។
ជាមួយគ្នានេះក្រុមការងារបច្ចេកទេសបានបន្តធ្វើគម្រោងកែលំអបណ្ដាញលូមេប្រមូលទឹកកខ្វក់ក្នុងក្រុងសៀមរាប របស់ធនាគារអភិវឌ្ឍន៍អាស៊ី ADB គិតត្រឹមថ្ងៃនេះ ការងារខួងដាក់បំពង់លូបានប្រវែងសរុប១៥២៩ម៉ែត្រ ស្មើនឹង៤១.៣២ ចន្លោះពី រណ្ដៅទីNW១៨ ដល់ រណ្ដៅទីNW១0 ដោយក្រុមការងារបានធ្វើការរើពុម្ពលាបកៅស៊ូការពារជម្រាបទឹក និងចាក់ខ្សាច់លប់អណ្តូងលូ ជាន់ទី១ រើត្រឡប់ក្បាល ចាក់បេតុងទ្រនាប់បាតគ្រឹះអណ្តូ តំឡើងជើងសន្ទួចនិងដាក់ក្បាលខួងបំពង់លូ ផ្សាដែកធ្នឹមទប់បន្ទះដែកស៊ីតផែល និងបន្តជីកដីរណ្តៅដើម្បីពិនិត្យមើលប្រព័ន្ធក្រោមដី និងវាយបន្ទះដែកស៊ីតផែលផងដែរ ៕
ព័ត៌មានជាតិ ថ្មីៗ
អត្តបទនិងរូបភាព៖មន្ទីរសាធារណការ និងដឹកជញ្ជូនខេត្ត
កែសម្រួល៖ អ៊ុន ណារាជ្យ
