ប្រៀបធៀបនឹងឆមាសទី៣ ឆ្នាំ២០១៨ គ្រោះថ្នាក់ចរាចរណ៍នៅក្នុងប្រទេសកម្ពុជា ក្នុងឆ្នាំ២០១៩នេះ បានកើនឡើងចំនួន ៣២ភាគរយ ហើយ ៨០ភាគរយ គឺជាអ្នកបើកបរម៉ូតូ ក្នុងនោះ នៅក្នុងខេត្តសៀមរាបមានចំនួនអ្នកស្លាប់ ៣៧នាក់ នេះបើតាមរបាយការណ៍របស់ គណៈកម្មាធិការជាតិសុវត្ថិភាពចរាចរណ៍ផ្លូវគោក។
មានប្រសាសន៍ នៅក្នុងពិធីផ្សព្វផ្សាយវគ្គបណ្ដុះបណ្ដាលស្ដីពី ការបើកបរទោចក្រយានយន្ដប្រកបដោយសុវត្ថិភាព ការសង្គ្រោះជនរងគ្រោះដោយគ្រោះថ្នាក់ចរាចរណ៍ និងហានិភ័យនៃការបើកបរក្រោមឥទ្ធិពលនៃគ្រឿងស្រវឹង ស្ថិតក្នុងបរិវេណ វិទ្យាល័យ ១០មករា១៩៧៩ ខេត្ដសៀមរាប កាលពីថ្ងៃទី១៩ខែវិច្ឆិកាឆ្នាំ២០១៩នេះ លោក ពិន ប្រាកដ អភិបាលរងខេត្តសៀមរាប បានលើកឡើថា សិស្សានុសិស្ស យុវជនមួយចំនួន បច្ចុប្បន្នតែងតែនិយម បើកបរយានយន្តលឿនលើសការកំណត់ បើកបរក្រោមឥទ្ធិពលនៃគ្រឿងស្រវឺង លើសពីនោះ ពួកគេមិនពាក់មួកសុវត្ថិភាព ឬមិនពាក់ខ្សែក្រវាត់សុវត្ថិភាព ដែលនាំឲ្យពួកគេអាចបង្កជាគ្រោះថ្នាក់ចរាចរណ៍ដែលមានសភាពធ្ងន់ធ្ងរ ដូចជាបាត់បង់អាយុជីវិតមនុស្ស ឬរបួស ពិការជាដើម។ ទាំងអស់នេះ ជាសោកនាដកម្ម ចំពោះក្រុមគ្រួសារ និងសង្គមជាតិទាំងមូល។
ព័ត៌មានជាតិ ថ្មីៗ
លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការគណៈកម្មាធិការជាតិសុវត្ថិភាពចរាចរណ៍ផ្លូវគោក លើកឡើងថា ការផ្សព្វផ្សាយអំពីគ្រោះថ្នាក់ចរាចរណ៍ក្នុងឱកាសនេះ គែជាការឆ្លើយតបនឹងកាលៈទេសៈ ដែលរាជរដ្ឋាភិបាលកម្ពុជាកំពុងពុះពារយ៉ាងសកម្ម ទប់ស្កាត់ និងលុបបំបាត់គ្រោះថ្នាក់ចរាចរណ៍ខណៈបច្ចុប្បន្ននៅតែបន្តកើនឡើង ។
សូមជម្រាបថា តាមរបាយការណ៍នៃគណៈកម្មាធិការជាតិសុវត្ថិភាពចរាចរណ៍ផ្លូវគោក បានបង្ហាញថា នៅក្នុងត្រីមាសទី៣ នៃឆ្នាំ២០១៩នេះ គ្រោះថ្នាក់ចរាចរណ៍កើតឡើងចំនួន ៩៨៨លើកនៅលើដងផ្លូវនៃព្រះរាជាណាចក្រកម្ពុជាដែលបណ្តាលឱ្យមានអ្នកស្លាប់ចំនួន៤៨៨នាក់ និងរបួសចំនួន១,៤៩៤នាក់។ មូលហេតុដែលបង្កឲ្យមានគ្រោះថ្នាក់ គឺនៅតែបណ្តាលមកពីការបើកបរលើសល្បឿនកំណត់ ៣៣ភាគរយ, ការមិនគោរពសិទ្ធអទិភាព ២៧ភាគរយ, ការមិនប្រកាន់ស្តាំ ១៣ភាគរយ, ការវ៉ាជែង ១០ភាគរយ, ការបត់ ៩ភាគរយ, ស្រវឹង ៤ភាគរយ, កត្តាយាន្ត ៣ភាគរយ និងងងុយ១ភាគរយ។
យ៉ាងតិចប្រជាពលរដ្ឋខេត្តសៀមរាប ៣៧នាក់ បានស្លាប់ ក្នុងឆមាសទី៣ ឆ្នាំ២០១៩
យ៉ាងតិចប្រជាពលរដ្ឋខេត្តសៀមរាប ៣៧នាក់ បានស្លាប់ ក្នុងឆមាសទី៣ ឆ្នាំ២០១៩#ព័ត៌មានខេត្តសៀមរាប
Posted by ទូរទស្សន៍ជាតិខេត្តសៀមរាប – TV Siem Reap on Tuesday, November 19, 2019
អត្ថបទ និង រូបថត ៖ លោក បូ សាវី
កែសម្រួលអត្ថបទ ៖ លោក សេង ផល្លី
