នៅព្រឹកថ្ងៃទី១០ ខែធ្នូ ឆ្នាំ២០១៩ នៅវិទ្យាល័យអារញ្ញសាគរស៊ីអែហ្វស៊ី ស្ថិតក្នុងសង្កាត់សៀមរាប ក្រុងសៀមរាបខេត្តសៀមរាប មានរៀបចំ ទិវាអប់រំសីលធម៌តាមលំអានព្រះពុទ្ឋសាសនាលើកទី២ ដើម្បីបណ្តុះគុណធម៌ អប់រំសិលធម៌ ចរិយាធម៌ដល់ សិស្សានុសិស្សតាមសាលា ជាទំពាំងស្នងឬស្សីនាពេលអនាគត។
កម្មវិធីនេះ ដឹកនាំដោយព្រះតេជគុណ រតនឃោសកោ សោម សេរីឬទ្ឋី ស្ថាបនិក និងជានាយកប្រតិបត្តិសមាគមមរតកព្រះពុទ្ឋសាសនា ព្រមទាំងមានការចូលរួមពី អាជ្ញាធរមូលដ្ឋាន លោកគ្រូ អ្នកគ្រូ មកពី វិទ្យាល័យ ហ៊ុន សែន វត្តស្វាយ អនុវិទ្យាល័យពោធិ៍បន្ទាយជ័យ និងវិទ្យាល័យអារញ្ញសាគរស៊ីអែហ្វស៊ី ចំនួនជាង៥០០រូប។
ព្រះតេជគុណ រតនឃោសកោ សោម សេរីឬទ្ឋី មានថេរៈដីកាថា សមាគមមរតកព្រះពុទ្ឋសាសនា បានរៀបចំកម្មវបិធីអប់រំនេះជាបន្តបន្ទាប់មក អំប់រំណែនាំដល់សិស្សានុសិស្សតាមសាលាមួយចំនួន ទាំងនៅជនបទ និងនៅក្នុងក្រុងសៀមរាប ដើម្បីបណ្តុះគុណធម៌ អប់រំសិលធម៌ ចរិយាធម៌ ដល់សិស្សានុសិស្ស និង យុវជនជំនាន់ក្រោយ ហើយក៏ជាការផ្សារភ្ជាប់ រវាងព្រះសង្ឃនិង ពុទ្ធសាសនិកផងដែរ។
ព័ត៌មានជាតិ ថ្មីៗ
លោក ខាំ អ៊ីម សមាជិកក្រុមប្រឹក្សាសង្កាត់សៀមរាប ក៏បានរំលឹកដល់សិស្សានុសិស្ស ចេះគោរពប្រតិបត្តិឱនលំទោនចំពោះព្រះសង្ឃ ចាស់ព្រឹទ្ឋាចារ្យលោកគ្រូអ្នកគ្រូ និងរៀមច្បងផងទាំងពួង។ ក្នុងនោះដែរ ក្មួយៗ ត្រូវចូលរួមសំអាតបរិស្ថាន ក្នុងនិងក្រៅសាលា និងជាពិសេសចៀសឆ្ងាយពីគ្រឿងញៀន និងល្បែងពាលាទាំងឡាយ ដែលសង្គមស្អប់ខ្ពើម។
អត្ថបទ និងរូបភាព៖ យូ វង្ស
កែសម្រួលអត្ថបទ៖ សេង ផល្លី
