ក្រុមហ៊ុនCamemis ណែនាំឲ្យមាតាបីតាអាណាព្យាបាល អាចតាមដានពីទិន្និន័យពីការសិក្សា និងសកម្មភាពផ្សេងៗតាមទូរស័ព្ទដៃ

កាលពីថ្ងៃទី១៦ ខែធ្នូ ឆ្នាំ២០១៩នេះ ក្រុមហ៊ុន NM Software and Consulting បាននាំយកប្រព័ន្ធ CAMEMIS ពីប្រទេអាល្លឺម៉ង់មកកម្ពុជា ដែលប្រព័ន្ធនេះជាប្រព័ន្ធកត់ត្រាទិន្នន័យ សម្រាប់ជួយសម្រួលដល់មាតាបិតាសិស្ស និងគ្រឹះស្ថានសិក្សាក្នុងការតាមដាននិងកត់ត្រាឯកសារផ្សេងៗរបស់សាសា និងសិស្សានុសិស្ស ដោយក្នុងនោះក្រុមហ៊ុនCamemis បានណែនាំពីរបៀបប្រើប្រាស់Appតាមទូរស័ព្ទដៃដល់មាតាបិតាអាណាព្យាបាលសិស្ស ដែលកម្មវិធីនេះដែរប្រព្រឹត្តិទៅនៅក្នុងបរិវេនសាលាបឋមសិក្សាវត្តបូព៌ ក្នុងក្រុង/ខេត្តសៀមរាប ហើយកម្មវិធីនេះគឺមានរយៈពេល៨ថ្ងៃ គឺចាប់ពីថ្ងៃទី១៦ ដល់ថ្ងៃទី២៣ ខែធ្នូ ឆ្នាំ២០១៩ ក្នុងគោលបំណងដើម្បីឱ្យមាតាបីតា អាណាព្យាបាលសិស្ស បានស្វែងយល់អំពីអត្ថប្រយោជន៍នៃការប្រើប្រាស់ប្រព័ន្ធCAMEMISហើយប្រព័ន្ធនេះ នឹងអាចផ្តល់អត្ថប្រយោជន៍ជាច្រើនដោយអាចកត់ត្រាទិន្នន័យរវាងសាលានិងអាណាព្យាបាល ជាមួយសិស្សានុសិស្ស ដើម្បីតាមដាន និងធ្វើបច្ចុប្បន្នភាព ស្រង់ទិន្នន័យពិន្ទ និងសកម្មភាពរបស់សិស្ស ហើយក្រោយពីបង្កើតបានប្រព័ន្ធនេះនៅលើទូរស័ព្ទដៃស្មាតហ្វូន ។

បើតាមលោកស្រី ធូ សុជាតា អគ្គនាយកក្រុមហ៊ុនខេមមីស បានឱ្យដឹងថា កម្មវិធីនេះដែរតម្រូវឲ្យអាណាព្យាបាលទាញយកAppនេះចូលទៅក្នុងទូរស័ព្ទដៃស្មានហ្វូនហើយ លោកគ្រូអ្នកគ្រូ សិស្សានុសិស្សមាតាបីតា អាណាព្យាបាលសិស្ស ពួកគាត់ងាយស្រួលតាមដានការសិក្សា និងសកម្មភាពផ្សេងៗរបស់បុត្រធីតារបស់ពួកគាត់នៅក្នុងសាលាគ្រប់ពេលវេលាដោយកាត់បន្ថយការចំណាយពេល និងចំណេញទាំងសងខាង ទាំងសាលា ទាំងគ្រួសារមាតាបិតាសិស្ស ។

ព័ត៌មានជាតិ ថ្មីៗ

កម្ពុជា-ចិន ដាក់បញ្ចាំងភាពយន្តចល័ត អបអរខួបលើកទី១០ នៃដំណើរភាពយន្តចល័តកម្ពុជា-ចិន នៅមុខប្រាសាទអង្គរ

19/04/2025

ថ្នាក់ដឹកនាំខេត្តសៀមរាប រៀបចំពិធីសូត្រមន្តប្រោះព្រំសុំសេចក្ដីសុខ និងសំណេះសំណាលជាមួយមន្ត្រីរាជការ ក្នុងឱកាសបុណ្យចូលឆ្នាំថ្មីប្រពៃណីជាតិ

11/04/2025

លោកស្រី ធូ សុជាតា បញ្ជាក់ទៀតថា ប្រព័ន្ឋខេមមីសជាប្រព័ន្ធកត់ត្រាទិន្នន័យសម្រាប់ជួយសម្រួលដល់គ្រឹះស្ថានសិក្សា ក្នុងការតាមដាននិងកត់ត្រាឯកសារផ្សេងៗរបស់សាសា មានលក្ខណៈស្រដៀងគ្នាទៅនឹងប្រព័ន្ធហ្វេសប៊ុក និងប្រព័ន្ធទំនាក់ទំនងសង្គមនានាជាច្រើន ដែលក្នុងពិភពលោកបាននឹងកំពុងតែនិយមប្រើប្រាស់ តាមរយៈការបង្កើតលើស្មាតហ្វូន និងពឹងផ្អែកលើប្រព័ន្ធអ៊ិនធឺណែត ខុសប្លែកត្រង់តែបង្កើតគណនេយ្យចងជាក្រុម និងកំណត់ឱ្យប្រើប្រាស់បាន សម្រាប់តែស្ថាប័នរបស់រដ្ឋ និងគ្រឹះស្ថានសិក្សានានា ដែលស្ថាប័នបង្កើតគណនេយ្យនោះ មានសិទ្ធិក្នុងការបញ្ចូលសមាជិករបស់ខ្លួន ។

លោកស្រីបន្ថែមថា ប្រព័ន្ធ CAMEMIS នេះ ត្រូវបានបង្កើតឡើងដោយវិស្វករខ្មែរ ដែលបានទៅសិក្សានៅប្រទេសអាល្លឺម៉ង់ជាច្រើនឆ្នាំ ក្នុងគោលដៅជួយសម្រួលដល់ការងារផ្នែកវិស័យសិក្សាអប់រំគ្រប់កម្រិតមានសមត្ថភាពអាចជួយសម្រួលដល់ការគ្រប់គ្រងទិន្នន័យទូទៅរបស់សាលា ទាំងផ្នែករដ្ឋ និងឯកជន ដូចជាសាលារៀន , មជ្ឈមណ្ឌលបណ្តុះបណ្តាលនានារបស់អង្គការ ឬសមាគមន៍ និងសាលាចំណេះទូទៅគ្រប់កម្រិត ។

លោក ពឹង គឹមឆេន នាយកសាលាបឋមសិក្សាវត្តបូព៌ ក៏បានបង្ហាញការគាំទ្រ និងសហការជាមួយក្រុមហ៊ុនគ្រប់ពេលវេលា ព្រោះហេតុថា ក្រោយពីបានស្វែងយល់ចាប់ដៃគូជាមួយគ្នាអស់រយៈពេលមួយឆ្នាំមក ឃើញថាប្រព័ន្ឋនេះ ផ្តល់អត្ថប្រយោជន៍ទៅដល់សាលា ដល់មាតាបិតាអាណាព្យាបាលសិស្ស ក្នុងការគ្រប់គ្រងសកម្មភាពការសិក្សារបស់បុត្រធីតាពួកគាត់អំឡុងពេលនៅសាលារៀន បានធ្វើឲ្យយើងមិនប្រើប្រាស់ខ្លះខ្ចាយនូវពេលវេលាដ៏មានតម្លៃ ក្នុងការតាមដានពីទិន្នន័យផ្នែកសិក្សាអប់រំតាមបែបបច្ចេកទេសវិទ្យា ព័ត៌មាន និងផ្តល់ប្រយោជន៍ដល់ក្រុមហ៊ុនទទួលបានចំណែកថវិកាតាមរយៈអ្នកប្រើប្រាស់ប្រព័ន្ឋនេះ ។

លោក ពឹង គឹមឆេន បន្ថែមថា ក្នុងនោះការប្រើប្រាស់លើកដំបូងរបស់មាតាបិតាជាមួយប្រព័ន្ឋនេះ ក្នុងរយៈពេលប៉ុន្មានខែខាងមុខនេះ សាលាមិនទាន់តម្រូវឱ្យមានមានការបង់ប្រាក់អ្វីទេ គណៈគ្រប់គ្រងសាលានឹងធ្វើសម្រង់មតិពីពួកគាត់ជាមុន និងតាមការស្ម័គ្រចិត្តពីមាតាបិតា អានាព្យាបាលសិស្សតែទោះបីជាត្រូវបង់ក៍ក្នុងកម្រិតមួយតិចតួចដែរ ជាសំខាន់យើងទាំងអស់គ្នា រួមសហការគ្នា ក្នុងការជ្រោងទង់មួយ ក្រោមប្រធានបទ ការអប់រំដើម្បីទាំងអស់គ្នា គឺដើម្បីធានាបានទាំងគុណភាពនៃការសិក្សា ហើយការអប់រំ ក៏ដើម្បីអនាគតកូនចៅយើងទាំងអស់គ្នា ។

គួរឲ្យដឹងដែរថា កាលពីថ្ងៃទី ១៤ ខែ វិច្ឆិកា ឆ្នាំ២០១៨កន្លងទៅ ក្រុមហ៊ុនCAMEMIS បានរៀបចំសិក្ខាសាលា ស្តីពីអត្ថប្រយោជន៍នៃការប្រើប្រាស់ប្រព័ន្ធCAMEMIS នៅសាលាខេត្តសៀមរាប ម្តងរួចមកហើយ ក្នុងនោះអាជ្ញាធរខេត្ត ក៏បានគាំទ្រ និងរង់ចាំសហការគ្រប់ពេលវេលា ព្រោះការប្រើប្រាស់ប្រព័ន្ធ CAMEMIS នេះ គឺបានធ្វើឲ្យយើងចំណេញពេលវេលានិងមិនសូវបារម្ភពីកូនចៅនៅពេលពួកគាត់ទៅរៀនសូត្រ ងាយស្រួល ក្នុងការតាមដានពីការសិក្សាកូនចៅរបស់ពួកគាត់ ៕

អត្ថបទ និង រូបភាព៖ យូ វង្ស
កែសម្រួល៖ អ៊ុន ណារាជ្យ