វេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តសៀមរាបអាណត្តិទី៣ ឆ្នាំ២០១៩ ដោយមានវត្តជាគណ:អធិបតីភាពឯកឧត្តម អ៊ាន ឃុន ប្រធានក្រុមប្រឹក្សាខេត្តស្តីទី លោក ស្រី យូ សុភា អភិបាលរងខេត្ត តំណាងឯកឧត្តម ទៀ សីហា នៃគណៈអភិបាលខេត្តសៀមរាប នឹងមានការអញ្ជើញចូលរួមពីថ្នាក់ដឹកនាំមន្ទីរ អង្គភាពក្នុងខេត្ត សិស្សានុសិស្ស អាជ្ញាធរ និង ប្រជាពលរដ្ឋមកពីស្រុកប្រាសាទបាគង និង ស្រុកសូទ្រនិគម ដែលមានសមាជិកសមាជិកាចូលរួមសរុប ប្រមាណជាង៦៧៧នាក់ ស្រី ២១១នាក់ និង វាគ្មិនតំណាងមន្ទីរ-អង្គភាពជុំវិញខេត្ត ។
វេទិកាផ្សព្វផ្សាយនេះដើមី្បផ្តល់ឱកាសជូនដល់បងប្អូនប្រជាពលរដ្ឋ អ្នកពាក់ព័ន្ធទាំងអស់ ដែលមកពីស្រុកប្រាសាទបាគង និង ស្រុកសូទ្រនិគម បានស្វែងយល់ពីស្ថានភាពទូទៅ នៃការអភិវឌ្ឍខេត្ត ក្រុង ស្រុក ឃុំ សង្កាត់ និង បញ្ហាប្រឈម ដែលកើតកន្លងមក ដើមី្បសម្រេចបាននូវចក្ខុវិស័យអភិវឌ្ឍន៍សម្រាប់រយៈពេល៥ឆ្នាំនៃអាណត្តិទី៣របស់ក្រុមប្រឹក្សាខេត្តសៀមរាប ។
ក្នុងនោះដែរសមាជិកនៃវេទិកាផ្សព្វផ្សាយទទួលបានសំណួរ និងសំណូមពរ ផ្ទាល់មាត់ពីបងប្អូនប្រជាពលរដ្ឋចំនួន២៣សំណួរ-សំណូមពរ ដែលត្រូវបានវាគ្មិនលើកយកមកបកស្រាយបំភ្លឺ។ ដោយឡែកសំណួរ-សំណូមពរជាលាយលក្ខ័ជាអក្សរមិនទាន់បានឆ្លើយបំភ្លឺមានចំនួន២០សំណួរ-សំណូមពរ ដែលក្រុមប្រឹក្សាខេត្តទទួលយកទៅពិនិត្យពិភាក្សា ក្នុងក្របខណ្ឌក្រុមប្រឹក្សាខេត្ត ហើយនឹងធ្វើការឆ្លើយតបជម្រាបជូនដំណឹងជាលាយលក្ខណ៏អក្សរ ដល់ម្ចាស់សំណួរ បងប្អូនប្រជាពលរដ្ឋ តាមរយៈក្រុមប្រឹក្សាឃុំ ។ ដែលសំណូមពរទាំងនោះបាននិយាយ អំពីទុក្ខកង្វល់របស់ពួកគាត់នៅតាមមូលដ្ឋានដោយបានផ្តោតទៅលើបញ្ហា ការធ្វើប័ណ្ណកម្មសិទ្ធិសម្គាល់អចនទ្រព្យ ហេដ្ឋារចនាសម្ព័ន្ធ សៀវភៅគ្រួសារនិងអត្តសញ្ញាណប័ណ្ណ តម្លៃកសិផលកសិកម្ម និងការងារសាសនា ។
ឯកឧត្តម អ៊ាន ឃុន ក៏បានធ្វើការបូកសរុបដោយថ្លែងអំណរគុណ ដល់បងប្អូនដែលបានចំណាយពេលចូលរួម ក្នុងអង្គវេទិកាផ្សព្វផ្សាយនិងពិគ្រោះយោបល់ របស់ក្រុមប្រឹក្សាខេត្តសៀមរាប អាណត្តិទី៣ឆ្នាំ២០១៩ ដែលបានធ្វើឲ្យយើងទាំងអស់គ្នាបានយល់កាន់តែច្បាស់រាល់ការអភិវឌ្ឍន៍របស់រាជរដ្ឋាភិបាល ក៏ដូចអាជ្ញាធរខេត្ត ក្រុង ស្រុក និង ដឹងពីទុក្ខកង្វល់របស់ប្រជាពលរដ្ឋនៅតាមមូលដ្ឋាន និង តម្រូវការចាំបាច់របស់ប្រជាពលរដ្ឋផងដែរ ។
ព័ត៌មានជាតិ ថ្មីៗ
អង្គវេទិកាបានធ្វើនៅថ្ងៃទី១៧ ខែធ្នូ ឆ្នាំ២០១៩ វាគឺជាសញ្ញាវិជ្ជមានថ្មីបន្ថែមទៀត ចំពោះកិច្ចខិតខំប្រឹងប្រែង ក្នុងកិច្ចពិគ្រោះយោបល់ ពិភាក្សា ដើម្បីពិនិត្យ ពិចារណា និង ធ្វើការឆ្លុះបញ្ចាំងទៅលើសមិទ្ធផលដែលសម្រេចបាន និង បញ្ហាប្រឈមក្នុងឆ្នាំ២០១៩ និងគម្រោងសកម្មភាពជាអាទិភាពសម្រាប់ឆ្នាំ២០២០របស់រដ្ឋបាលខេត្ត ដែលជាកម្លាំងចលករជម្រុញឲ្យការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិកាន់តែមានល្បឿនទៅមុខឥតឈប់ឈរ។
អត្ថបទ និង រូបភាព ៖ ស៊ាន សុផាត
កែសម្រួល ៖ ហាំ ម៉េងហួត
