វគ្គសិក្សា ១៥សប្តាហ៍ របស់មូលនិធិអាស៊ីតែមួយ ក្នុងខេត្តសៀមរាប ទទួលបានសិស្សឆ្នើម២៣រូប

វគ្គសិក្សា ១៥សប្តាហ៍ ស្តីពីគម្រោងឆ្ពោះទៅរកការបង្កើតសហគមន៍អាស៊ី កសាងសមត្ថភាពសម្រាប់ការអភិវឌ្ឍទេសចរណ៍ប្រកបដោយចីរភាព រៀបចំឡើងដោយសាកលវិទ្យាល័យ សៅស៍អ៊ីសថ៍អេយសៀ ខេត្តសៀមរាប សហការឧបត្ថម្ភដោយ មូនិធិអាស៊ីតែមួយ ត្រូវបានបិទបញ្ចប់ នារសៀលថ្ងៃទី២០ ខែធ្នូ ឆ្នាំ២០១៩ ដោយទទួលបានសិស្សឆ្នើម ២៣រូប ក្នុងចំណោម៨៨រូប។

លោកបណ្ឌិត និត ប៊ុនឡាយ អគ្គនាយករង នៃអគ្គនាយកដ្ឋានឧត្តមសិក្សា នៃក្រសួងអប់រំ យុវជន និងកីឡា និងជាទីប្រឹក្សាស្រាវជ្រាវអភិវឌ្ឍ របស់សាកលវិទ្យាល័យ សៅស៍អ៊ីសថ៌ អេយសៀ ខេត្តសៀមរាប លើកឡើងថា ៖ វគ្គសិក្សានេះ ពិតជាមានសារៈសំខាន់សម្រាប់ផ្តល់ជូននិស្សិត ឲ្យទទួលយកនូវការយល់ដឹង អំពីគន្លឹះនិងយុទ្ធសាស្រ្ត ដើម្បីនិរន្តរភាព និងជំរុញឲ្យវិស័យទេសចរណ៍មានការរីកចម្រើន។ ហានិភ័យ ដែលជាសត្រូវក្នុងវិស័យទេសចរណ៍ គឺជាមេរៀនដ៏សំខាន់នៅក្នុងវគ្គសិក្សានេះ ក្នុងនោះ ទ្រឹស្តីនៃវគ្គសិក្សានេះ លើកឡើងថា ទេសចរណ៍គឺជាភ្លើងសម្រាប់ចម្អិនអាហារ តែភ្លើងក៏អាចលេបត្របាក់យកផ្ទះសម្បែងបានដែរ ។

ជនជាតិជប៉ុន លោក ចំប៉ី សាតូ ទីប្រឹក្សាមូលនិធិអាស៊ីតែមួយ ( On Asia Foundation ) ដែលជាម្ចាស់ឧបត្ថម្ភវគ្គសិក្សានេះ បានបង្ហាញនៅក្នុងបទឧទ្ទេសនាមរបស់ខ្លួនថា ឧទាហរណ៍នៅក្នុងវគ្គសិក្សា មិនមែនគ្រាន់តែជាការលើកឡើងគ្មានការពិតទេ តែវាជាការបទពិសោធន៍ជាក់ស្ដែងរបស់ពិភពលោក ។ ក្នុងនោះ អសន្តិសុខ វាគឺជាសត្រូវដ៏ធំបំផុតនៅក្នុងវិស័យទេសចរណ៍ ។ សំនួរដែលមិនបាច់មានចម្លើយតែអាចយល់បាននោះគឺ តើទីក្រុងហុងកុង បច្ចុប្បន្នទៅជាយ៉ាងណាហើយ? ។

ព័ត៌មានជាតិ ថ្មីៗ

អភិបាលខេត្តសៀមរាប លើទឹកចិត្តដល់ប្រជាពលរដ្ឋ ក្នុងករណីសង្ស័យ មានការឆបោកតាមប្រព័ន្ធបច្ចេកវិទ្យា Online Scams សូមរាយការណ៍ជូនកងកម្លាំង មានសម័ត្តកិច្ច

27/01/2026

មន្រ្ដីជាន់ខ្ពស់ក្រសួងរៀបចំដែនដី នគររូបនីយកម្ម និងសំណង់ ជំរុញដល់ក្រុមការងារបន្ដចុះផ្សព្វផ្សាយ និងស្រង់ទិន្នន័យ នៃការប្រើប្រាស់ដីរបស់ពលរដ្ឋទាំង១១៤ភូមិ នៅក្នុងតំបន់រមណីយដ្ឋានបេតិកភ័ណ្ឌពិភពលោកអង្គរ

27/01/2026

ជាមួយនឹងការការបិទបញ្ចប់វគ្គសិក្សានោះដែរ ក្នុងចំណោមសិស្សសរុប ៨៨រូប ដែលឆ្លងកាត់ការបណ្តុះបណ្តាលចំនួន ១៥មុខវិជ្ជា និងទទួលបានវិញ្ញាបនបត្រ ដោយជោគជ័យ ក្នុងនោះ ក៏មាន២៣រូបជាសិស្សឆ្នើម និង២រូប ត្រូវបានជ្រើសរើសឲ្យចូលរួម ក្នុងកម្មវិធីផ្លាស់ប្ដូរបទពិសោធន៍ជាអន្តរជាតិ នៅប្រទេសជប៉ុន ។

កញ្ញា ធំ វ៉ាន់ធិន តំណាងនិស្សិតនៃវគ្គបណ្តុះបណ្តាលនេះ និយាយាថា ៖ ចំណេះដឹងដែលបានមកពីវគ្គសិក្សានេះពិតជាមានសារសំខាន់ខ្លាំងណាស់ ហើយចំណេះដឹងទាំងនេះនឹងត្រូវបាននាំដំណើរនិស្សិតទាំង៨៨នាក់ ឆ្ពោះទៅរកក្តីមោទនភាព នៅពេលដែលចំណេះដឹង ត្រូវបានក្លាយជាចំណេះធ្វើ នាថ្ងៃអនាគត ៕

អត្ថបទនិង រូបភាព៖ ងិន គឹមឡេង
កែសម្រួល៖ សេង ផល្លី