ឧត្តមប្រយោជន៍នៃការផ្តល់ឈាម គឺដើម្បីជួយសង្គ្រោះជីវិតមនុស្ស និងផ្តល់សេចក្តីស្រឡាញ់ !

ថ្លែងមតិស្វាគមន៍ ចំពោះវត្តមានរបស់ក្រុមអ្នកស្ម័គ្រចិត្តផ្តល់ឈាមប្រមាណជា ជាង១០០នាក់ ដែលដឹកនាំដោយគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត សាខាខេត្តសៀមរាប កាលពីព្រឹកថ្ងៃទី២១ ខែធ្នូ (ចុងសប្តាហ៍) កន្លងមកនេះ នៅមជ្ឈមណ្ឌលផ្តល់ឈាម ដែលមានទីតាំងនៅក្នុងមន្ទីរពេទ្យបង្អែកខេត្ត លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាល បានឲ្យដឹងថា ៖ ឆ្នាំ២០១៩នេះ សកម្មភាពការងាររបស់មជ្ឈមណ្ឌលផ្តល់ឈាម មានការកើនឡើងរហូតដល់ទៅ៤ដង បើធៀបទៅនឹងឆ្នាំ២០១៥ ដែលជាឆ្នាំមុនបង្កើតមជ្ឈមណ្ឌលផ្តល់ឈាមនេះ ។ លោកបញ្ជាក់ឲ្យដឹងថា ឆ្នាំ២០១៩នេះ ការប្រមូលឈាមបានចំនួនជាង ៤ ០០០ប្លោក ច្រើនជាងឆ្នាំ២០១៨ ដែលប្រមូលបានត្រឹមតែ ជាង ៣ ០០០ប្លោក ។

បច្ចុប្បន្ននេះ ធនាគារឈាមនៃមន្ទីរពេទ្យបង្អែកខេត្តសៀមរាប ស្ថិតក្នុងស្ថានភាពរឹងមាំ មិនមានបញ្ហាដាច់ស្តុកនោះទេ បើទោះជាមានចំនួនអ្នកជម្ងឺ ដែលមានតម្រូវការឈាមកើនឡើងក៏ដោយ ។ រាល់ករណីនៃការប្រើប្រាស់ឈាមរបស់មន្ទីពេទ្យមិនមានការលក់ដូរនោះឡើយ រួមទាំងមានការចែករំលែកទៅកាន់មន្ទីរពេទ្យផ្សេងៗទៀតផងដែរ ក្នុងករណីចាំបាច់ដែលត្រូវជួយសង្គ្រោះអ្នកជម្ងឺ ឬជនរងគ្រោះធ្ងន់ធ្ងរ ដោយឧបទ្ទវហេតុ ផ្សេងៗ ។

លោកប្រធានមន្ទីរសុខាភិបាលខេត្តសៀមរាប មានប្រសាសន៍ថា ៖ ពិតជាចាំបាច់ណាស់ សម្រាប់ពាក្យថា អរគុណដ៏ជ្រាលជ្រៅបំផុត និងការស្ងើចសរសើរចំពោះសប្បុរសជនទាំងអស់ ដែលបានចំណាយទាំងពេលវេលា និងទឹកចិត្តបរិច្ចាគឈាម ដែលជាចលនាមនុស្សធម៌ មានតម្លៃមិនអាចកាត់ថ្លៃបាន ។

ព័ត៌មានជាតិ ថ្មីៗ

អាជ្ញាធរខេត្ដសៀមរាប ជូនដំណឹងដល់ប្រជាពលរដ្ឋឱ្យរុះរើសំណង់ខុសច្បាប់ ដើម្បីអភិវឌ្ឍន៍គម្រោងផ្លូវ៣៨ខ្សែ នៅក្នុងក្រុងសៀមរាប !

26/09/2020

ឯកឧត្តមរដ្ឋមន្ត្រីក្រសួងព័ត៌មាន បើកកិច្ចប្រជុំស្តីពីដំណើរការរៀបចំផែនការ វិនិយោគលើហេដ្ឋារចនាសម្ព័ន្ធថ្នាលទូរទស្សន៍ ឌីជីថល ជាតិ

25/09/2020

លោក កៅ គីវុធ នាយកសាខា ហត្ថាកសិករ ប្រចាំខេត្តសៀមរាប លើកឡើងថា នេះគឺជាការចូលរួមមួយក្នុងសកម្មភាពសង្គម របស់ហត្ថកសិករ ក្រោមប្រធានបទ ផ្តល់ឈាមដើម្បីជួយសង្គ្រោះជីវិតមនុស្ស និងផ្តល់សេចក្តីស្រឡាញ់ ។ មានប្រាក់មិនអាចទិញជីវិតមនុស្សបានទេ តែឈាមអាចជួយសង្គ្រោះជីវិតមនុស្សបាន ហើយការផ្តល់ឈាម គ្មានកត្តាណាមួយត្រូវព្រួយបារម្ភនោះឡើយ តែឈាមដែលមិនអាចផ្តល់បាន ឬឈាមដែលគ្រូពេទ្យបដិសេធមិនទទួលយកនោះទេ ដែលជាកត្តាត្រូវព្រួយបារម្ភ ។

អត្ថប្រយោជន៍នៃការផ្តល់ឈាម គឺកាត់បន្ថយហានីភ័យនៃជម្ងឺមហារីកផ្សេងៗ កាត់បន្ថយកំហាប់ឈាម និងការលើសជាតិដែក ដែលជាមូលហេតុធ្វើឲ្យមានផលប៉ះពាល់ដល់ថ្លើម និងលំពែង ។ ការផ្តល់ឈាម វាជួយឲ្យប្រសើរឡើងនូវសុខភាពបេះដូង បន្ថយការឡើងទម្ងន់ ជួយជំរុញការបង្កើតគ្រាប់ឈាមថ្មី ។ ជាមួយនឹងការផ្តល់ឈាមនេះដែរ គឺទទួលបាននូវការធ្វើតេស្តឈាមដោយសម្ងាត់ និងឥតគិតថ្លៃ រីករាយក្នុងការផ្តល់រង្វាន់ជីវិត គឺសុខភាពកាន់តែប្រសើរឡើង ។ ទាំងនេះ គឺជាការបង្ហាញណែនាំ របស់មជ្ឈមណ្ឌលផ្តល់ឈាម ៕

អត្ថបទ និងរូបភាព៖ ងិន គឹមឡេង