ក្រសួងសាធារណការផ្សព្វផ្សាយការប្រើប្រាស់ កម្មវិធីឆ្លើយសំណួរច្បាប់ចរាចរណ៍លើទូរសព្ទដៃទំនើប នៅខេត្តសៀមរាប

នៅថ្ងៃទី២១ ខែធ្នូ ឆ្នាំ២១៩ នាយកដ្ឋានសុវត្ថិភាពចរាចរណ៍ផ្លូវគោក នៃក្រសួងសាធារណការ និងដឹកជញ្ជូន សហការជាមួយអាជ្ញាធរខេត្តសៀមរាប បានបន្តធ្វើយុទ្ធនាការការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ជូនប្រជាពលរដ្ឋនៅខេត្តសៀមរាប ព្រមទាំងបានណែនាំអំពីកម្មវិធីលើទូរសព្ទដៃទំនើប ដើម្បីស្វែងយល់ពីច្បាប់ចរាចរណ៍ដោយខ្លួនឯងផងដែរ។

កម្មវិធីសំណួរ-ចម្លើយ ដែលមានឈ្មោះថា Cambodia Driving Rules អ្នកប្រើប្រាស់ទូរសព្ទដៃទំនើប អាចទាញយកពី App Store ឬ Play Store ដោយមិនគិតថ្លៃ។ កម្មវិធីលើទូរសព្ទដៃទំនើបនេះ មានគោលបំណងលើកកម្ពស់ការយល់ដឹងអំពីច្បាប់ចរាចរណ៍ផ្លូវគោកនៅកម្ពុជា ឲ្យបានកាន់តែទូលំទូលាយ ជាពិសេសនៅតាមតំបន់ជនបទភាគច្រើន ដែលពុំមានសាលា បង្រៀនអំពីច្បាប់ចរាចរណ៍។

ព័ត៌មានជាតិ ថ្មីៗ

អភិបាលខេត្តសៀមរាប លើទឹកចិត្តដល់ប្រជាពលរដ្ឋ ក្នុងករណីសង្ស័យ មានការឆបោកតាមប្រព័ន្ធបច្ចេកវិទ្យា Online Scams សូមរាយការណ៍ជូនកងកម្លាំង មានសម័ត្តកិច្ច

27/01/2026

មន្រ្ដីជាន់ខ្ពស់ក្រសួងរៀបចំដែនដី នគររូបនីយកម្ម និងសំណង់ ជំរុញដល់ក្រុមការងារបន្ដចុះផ្សព្វផ្សាយ និងស្រង់ទិន្នន័យ នៃការប្រើប្រាស់ដីរបស់ពលរដ្ឋទាំង១១៤ភូមិ នៅក្នុងតំបន់រមណីយដ្ឋានបេតិកភ័ណ្ឌពិភពលោកអង្គរ

27/01/2026

ជាមួយនោះ យុទ្ធនាការការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក នៅតាមដងផ្លូវ ក៏ជាការពញ្ញាក់ស្មារតីដល់អ្នកប្រើប្រាស់ផ្លូវថ្នល់ ជាពិសេសអ្នកប្រើប្រាស់ទោចក្រយានយន្តឱ្យមានការប្រុងប្រយ័ត្ន នៅរាល់ពេលធ្វើដំណើរតាមដងផ្លូវ
។ លើសពីនោះ យុទ្ធនាការនេះ ក៏ចែកជូននូវឯកសារពាក់ព័ន្ធ នឹងច្បាប់ ស្តីពីសុវត្ថិភាពចរាចរណ៍ផ្លូវគោក និងការរៀបចំជាកម្មវិធីសួរឆ្លើយសំណួរស្តីពីច្បាប់ និងសុវត្ថិភាពចរាចរណ៍ផ្លូវគោក ដើម្បីយករង្វាន់ផងដែរ។

លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន បានឱ្យដឹងថា យុទ្ធនាការការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកជូនដល់ប្រជាពលរដ្ឋនៅខេត្តសៀមរាបលើកនេះ មានភាពខុសប្លែកជាលើកមុនបន្តិច ដោយសារលើកនេះកម្មវិធីសួរឆ្លើយសំនួរ គឺត្រូវឱ្យប្រជាពលរដ្ឋឆ្លើយតាម កម្មវិធីទូរសព្ទ Cambodia Driving Rules។

លោកបានបន្តថា បច្ចុប្បន្ននេះ ជីវភាពប្រជាពលរដ្ឋទូទាំងប្រទេសកាន់តែល្អប្រសើរ បានធ្វើឱ្យកំណើនមធ្យោបាយយានយន្តគ្រប់ប្រភេទ កើនឡើងយ៉ាងគំហុកនាប៉ុន្មានឆ្នាំថ្មីៗនេះ ដែលទន្ទឹមនឹងនេះ គ្រោះថ្នាក់ចរាចរណ៍ក៏ស្ថិតក្នុងកំណើនមួយគួរឱ្យព្រួយបារម្ភ ខណៈដែលគ្រោះថ្នាក់ចរាចរណ៍នៅកម្ពុជាជាមធ្យម មានមនុស្សស្លាប់ ៥នាក់ និងរបួសជាង១០នាក់ ជារៀងរាល់ថ្ងៃ ដែលមូលហេតុនៃគ្រោះថ្នាក់ចរាចរណ៍នេះ បណ្តាលមកពីបើកល្បឿនហួសកំណត់ បត់ឆ្វេងស្តាំមិនប្រយ័ត្ន មិនប្រកាន់ស្តាំ ជែងគ្នាក្នុងស្ថានភាពគ្រោះថ្នាក់ និងបើកបរក្នុងស្ថានភាពងងុយដេកជាដើម។

សូមជម្រាបថា ក្រៅពី កម្មវិធីសំណួរ-ចម្លើយ Cambodia Driving Rules ប្រើទូរសព្ទដៃទំនើប ក្រសួងសាធារណៈការ និងដឹកជញ្ជូន ដាក់កម្មវិធី Road Care សម្រាប់ប្រជាពលរដ្ឋទូទៅ ទាញយកទៅប្រើប្រាស់ដោយឥតគិតថ្លៃ ប្រើប្រាស់នៅលើទូរសព្ទដៃទំនើបផងដែរ។ ទិសដៅដ៏សំខាន់សំរាប់កម្មវិធី Road Care នេះ គឺផ្ដល់ជូនប្រជាពលរដ្ធនៅភាពងាយស្រួលសំរាប់ប្រើប្រាស់ ជាកម្មវិធីដែលប្រជាជនទូទាំងប្រទេស កាន់តែងាយស្រួលក្នុងការរាយការណ៏ពីបញ្ហាផ្លូវខូច ដែលចង់អោយមានការអន្តរាគម៏ឆាប់រហ័ស និងងាយស្រួល។

អត្ថបទនិង រូបភាព៖ ឃុត សៅ និង ម៉ី សុខារិទ្ធ
កែសម្រួល៖ សេង ផល្លី