ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានមានប្រសាសន៍ថា បច្ចុប្បន្ននៅលើពិភពលោក គ្មានប្រទេសណាមួយដែលមិនចាប់យកឱកាសក្នុងការត្រៀមទទួលអ្នកទេសចរជនជាតិចិននោះទេ សូម្បីតែប្រទេសនៅក្នុងអាស៊ាន ដូចជា ប្រទេសថៃ , ម៉ាឡេស៊ី , សិង្ហបុរី និង ប្រទេសវៀតណាម ក៏ជាប្រទេសទទួលអ្នកទេសចរជនជាតិចិនច្រើនជាងកម្ពុជាផងដែរ។
ឯកឧត្តម ថោង ខុន មានប្រសាសន៍ទៀតថា កម្ពុជានៅតែស្វាគមន៍អ្នកទេសចរជនជាតិចិន ព្រោះអ្នកទេសចរជនជាតិចិន ជាអ្នកទេសចរដែលមានចំនួនច្រើនជាងគេលើពិភពលោក ហើយចាយច្រើនជាងគេ កម្ពុជាខិតខំត្រៀមខ្លួនជានិច្ច ដើម្បីទទួលភ្ញៀវទេសចរចិន តាមរយៈយុទ្ធសាស្ត្រ «China Ready» ធ្វើយ៉ាងណាផ្តល់បដិសណ្ឋារកិច្ចដល់ទីផ្សារទេសចរចិនឱ្យបានកាន់តែល្អ ដើម្បីស្ថិរភាព កំណើន ទាំងបរិមាណ និងគុណភាព ។
សូមបញ្ជាក់ថា ក្នុងរយៈពេល៩ខែឆ្នាំ២០១៨នេះ ភ្ញៀវទេសចរជនជាតិចិន បានមកទស្សនានៅខេត្តសៀមរាប មានចំនួន ៨៣១.៨០១នាក់ កើនឡើង ៥០,៦២ភាគរយ បើប្រៀបធៀបទៅនឹងរយៈពេលដូចគ្នាក្នុងឆ្នាំ២០១៧ ដែលមាន ៦៤៨.៩៤៥នាក់ គឺស្ថិតនៅចំណាត់ថ្នាក់លេខ១ ក្នុងចំណោមអ្នកទេសចរបរទេសសរុប ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក លីវ សាន្ត
