នៅរសៀលថ្ងៃទី០៨ ខែវិច្ឆិកា ឆ្នាំ២០១៨ ម្សិលមិញនេះ មន្ត្រីទីចាត់ការផែនការ និងវិយោគសាលាខេត្តសៀមរាប បានចុះទៅបិទការដ្ឋានគម្រោងមូលនិធិឃុំ-សង្កាត់ឆ្នាំ២០១៨ លើ គម្រោងជួសជុលផ្លូវបេតុងអាមេ ចំនួន១ខ្សែ ដែលមានប្រវែង ៣០១ម៉ែត្រ ក្នុងនោះទុនមូលនិធិឃុំប្រវែង ១៨៩ម៉ែត្រ និងទុនចូលរួមពីប្រជាពលរដ្ឋប្រវែង ១១២ម៉ែត្រ មានទទឹង ៥ម៉ែត្រ កម្រាស់ ០,១៥ម៉ែត្រ ស្ថិតក្នុងភូមិព្រៃវែង ឃុំសំរោងយា ស្រុកពួក ខេត្តសៀមរាប ។
ក្រោយពីជួសជុលផ្លូវបេតុងអាមេរួច មុននឹងដាក់ឲ្យប្រើប្រាស់ជាផ្លូវការ ក្រុមការងារក៏បានធ្វើការពិនិត្យបច្ចេកទេស ដោយមានការទទួលខុសត្រូវពីអ្នកម៉ៅការ មុននឹងក្រុមការងារខេត្តទទួលយកជាផ្លូវការ។
ក្រោយពីការពិនិត្យរបស់ក្រុមការងារបច្ចេកទេសមក ឃើញថាផ្លូវនេះ គឺអ្នកម៉ៅការបានអនុវត្តទៅតាមលក្ខខណ្ឌនៃកិច្ចសន្យា ទាំងទំហំ បរិមាណដែលបានចុះកិច្ចសន្យាជាមួយរដ្ឋបាលឃុំ ។
ព័ត៌មានជាតិ ថ្មីៗ
សូមបញ្ជាក់ផងដែរថា ការជួសជុលផ្លូវបេតុងអាមេនេះ ប្រើប្រាស់រយៈពេលមួយខែ និងមានការធានាសុពលភាពរយៈពេល៦ខែ ផងដែរ ៕
អត្ថបទ និង រូបថត : លោក អ៊ិន សីហរិទ្ធ
កែសម្រួលអត្ថបទ : លោក លីវ សាន្ត
#មន្ទីរព័ត៌មានខេត្តសៀមរាប
#ផ្លូវមូលនិធិឃុំសង្កាត់
