នៅថ្ងៃទី០៥ ខែមករា ឆ្នាំ២០២០ ក្រុមការងារសមាគមអតីតយុទ្ធជនកម្ពុជា ដឹកនាំដោយលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប និងជាអនុប្រធានសមាគមអតីតយុទ្ធជនកម្ពុជាខេត្តសៀមរាប តំណាងដ៏ខ្ពង់ខ្ពស់លោក ឧត្តមសេនីយ៏ទោ ស៊ិនភាត់ មេបញ្ជាការតំបន់ប្រតិបត្តិការសឹករងសៀមរាប និងជាប្រធាន សមាគមអតីតយុទ្ធជនកម្ពុជា ខេត្តសៀមរាបព្រមទាំងមានការអញ្ជើញចូលរួមពីសំណាក់លោកស្រី ម៉ននី រង្សី អភិបាលស្រុកក្រឡាញ់ និងជាប្រធានកិត្តយស ស.អ.ក ស្រុក លោកវរសេនីយ៍ឯក ជីបេងជន អធិការនគរបាលស្រុកក្រឡាញ់ ជាប្រធាន ស.អ.ក ស្រុក រួម និងក្រុមការងារសមាគមអតីតយុទ្ធជនកម្ពុជាខេត្តស្រុកឃុំជាច្រើនអ្នកទៀត ។
ផ្ទះចំនួន០៦ខ្នងដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជាជូនចំពោះអតីតយុទ្ធជនក្រីក្រនៅក្នុងស្រុកក្រឡាញ់ ខេត្តសៀមរាប ទាំង ០៦ បានផ្ដល់ជូនដោយគ្រួសារទី១ គឺ លោក ប៉ែន លួស ជានិវត្តន៍ជន មានទីលំនៅក្នុងភូមិ ពេជ្ជោរ ឃុំក្រឡាញ់ ស្រុកក្រឡាញ់ខេត្តសៀមរាប គ្រួសារទី២ លោក ឈូក អ៊ាល់ ជានិវត្តន៍ជនមានទីលំនៅភូមិសសៃពង ឃុំតាអាន ស្រុកក្រឡាញ់ ខេត្តសៀមរាប គ្រួសារទី៣ លោក ហែម តយ ជានិវត្តន៍ជនមានទីលំនៅភូមិច្រនៀង ឃុំសែនសុខ ស្រុកក្រឡាញ់ ខេត្តសៀមរាប ,ទី៤លោក ថោង ដេត ជានិវត្តន៍ជនមានទីលំនៅ ភូមិ គោកថ្មី ឃុំក្រូចគរ ស្រុកក្រឡាញ់ ខេត្តសៀមរាប ទី៥លោក យក់ មិន ជានិវត្តន៍ជនមានទីលំនៅ ភូមិ គោកថ្មី ឃុំក្រូចគរ ស្រុកក្រឡាញ់ ខេត្តសៀមរាប និងទី៦លោក សឿម សុភ័ក្រ ជានិវត្តន៍ជនមានទីលំនៅភូមិតាយិន ឃុំស្នួល ស្រុកក្រឡាញ់ ខេត្តសៀមរាប ៕
អត្ថបទ និង រូបភាព៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
