ក្នុងឱកាសចុះទៅសិក្សាឈ្វេងយល់ដោយផ្ទាល់អំពីបញ្ហាមីននៅកម្ពុជា នៅសារៈមន្ទីរសន្តិភាពរបស់មជ្ឈមណ្ឌលសកម្មភាពកំចាត់មីនកម្ពុជា របស់ស៊ីម៉ាក់ ដែលស្ថិតនៅ ឃុំត្រពាំងធំ ស្រុកប្រាសាទបាគង ខេត្តសៀមរាប កាលពីថ្ងៃទី១៣ ខែវិច្ឆិកា ឆ្នាំ២០១៨ម្សិលមិញនេះ លោក Aksel steen Nielsen នាយកប្រចាំនៅកម្ពុជា និងថៃ នៃអង្គការ Nowegian Peoples Aid បានមានប្រសាសន៍ថា បន្ទាប់ពីលោកបានទស្សនាសារៈមន្ទីរសន្តិភាពរបស់មជ្ឈមណ្ឌលសកម្មភាពកំចាត់មីនកម្ពុជា និង បានធ្វើការសិក្សាឈ្វេងយល់ពីសកម្មភាពភាពបោសសម្អាតមីនរបស់កម្ពុជា ដូចជាការប្រើ សុនខ , កណ្តុរ , មនុស្ស និងឧបករណ៍ ជាច្រើនសម្រាប់បោសសម្អាតមីនរួចមក លោកយល់ថា កម្ពុជាមានភាពរឹងមាំក្នុងសកម្មភាពបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ហើយជឿជាក់ថា កម្ពុជា នឹងសម្រេចបានតាផែនការក្នុងបោសសម្អាតគ្រាប់មីឱ្យអស់នៅត្រឹមឆ្នាំ២០២៥ ។
សូមបញ្ជាក់ថា ក្នុងរយៈពេល២៥ឆ្នាំកន្លងមកនេះ កម្ពុជាសម្រេចបាននូវការបោសសម្អាតផ្ទៃដីមីនបានចំនួនជាង១.០០០គីឡូម៉ែត្រក្រឡា , រុករកគ្រាប់មីន គ្រាប់យុទ្ធភ័ណ្ឌមិនទាន់ផ្ទុះ បានចំនួនជាង២លានន៧សែនគ្រាប់ ដែលនេះបញ្ជាក់ថា ជាភាពជោគជ័យដ៍ធំធេង ដោយបានជួយសង្គ្រោះដល់ពលរដ្ឋកម្ពុជា ដែលប្រឈមនឹងគ្រោះថ្នាក់នេះ ហើយកម្ពុជាមានផែនការបោសសម្អាតមីនឱ្យបានជាង១.២០០គីឡូម៉ែត្រក្រឡាដល់ឆ្នាំ២០២៥ នៅលើផ្ទៃដីដែលនៅសល់៦០ភាគរយ ព្រោះបច្ចេកវិទ្យា និងចំណេះដឹងរបស់ប្រទេសកម្ពុជា កាន់តែរីកចម្រើនលើវិស័យកម្ចាត់មីន៕
អត្ថបទ និង រូបថត ៖ លោក ទ្រា ពន្លឺ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#មីន
