កាលពីរសៀលថ្ងៃទី១៦ ខែមករា ឆ្នាំ២០២០ម្សិលមិញនេះ អនុសាខាកាកបាទក្រហមកម្ពុជាស្រុកក្រឡាញ់ ដឹកនាំដោយលោក ឃុត សំអាត ប្រធានក្រុមប្រឹក្សាស្រុក និងជាប្រធានគណ:កិត្តិយសអនុសាខា និង លោក សុខ ណារ៉េត អភិបាលរងស្រុក តំណាងលោកស្រី ម៉ននី រង្សី អភិបាលស្រុក និងប្រធានគណ:កម្មាធិកាអនុសាខាកាកបាទក្រហមកម្ពុជាស្រុកក្រឡាញ់ ព្រមទាំងសហការី បាននាំយកអំណោយជាសម្ភារ និងគ្រឿងបរិភោគ ឧបភោគជូនលោកតា លឿម ឡោ អាយុ ៦២ឆ្នាំ រស់នៅភូមិដំណាក់ខ្ចាស់ ឃុំសំបួរ ដែលលំនៅដ្ឋានរងគ្រោះដោយអគ្គិភ័យ កាលពីព្រឹកថ្ងៃទី១៥ ខែមករា ឆ្នាំ២០២០ កន្លងទៅថ្មីៗនេះ ។
អំណោយទាំងអស់រួមមាន ៖ ថវិកាចំនួន ១០ម៉ឺនរៀល , អង្ករចំនួន ២៥ គីឡូក្រាម , មុង ១ , ភួយ ១ , កន្ទេល ១ , ខ្នើយ ២ , ឆ្នាំង ២ , ចាន ៥ , វែក១ , ខ្ទះ១ , ចានស្រាក់១ ស្រាក , ទឹកស៊ីអ៊ីវ១យួរ , ធុងជ័រ ៣ , មី ២កេះ , ផ្តិល ២ , កន្ថោ ២ និងបន្ទះអាងត្រីសាច់ ១បន្ទះ ហើយជាមួយគ្នានេះដែរ លោក ប៉ែន ប៊ុនរិទ្ធ សមាជិកក្រុមប្រឹក្សាស្រុកក្រឡាញ់ បានចូលរួមឧបត្ថម្ភជាថវិកាផ្ទាល់ខ្លួនជួយដល់ជនរងគ្រោះ ចំនួន៥ម៉ឺនរៀល ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
