ថ្ងៃទី២០ ខែមករា ឆ្នាំ២០២០ លោក ពៅ ប៊ុនធឿន ប្រធានអនុសាខាកាកបាទក្រហមកម្ពុជា ស្រុកជីក្រែង និងសហការី បាននាំយកអំណោយមនុស្សធម៌ ជូនដល់ កុមារាងាយរងគ្រោះ២នាក់ គ្រួសារចាស់ជរាងាយរងគ្រោះ ចំនួន៣គ្រួសារ ព្រមទាំងស្ត្រីទើបសម្រាលកូន ២នាក់ រស់នៅភូមិចក ឃុំសង្វើយ ស្រុកជីក្រែង ខេត្តសៀមរាប ។
អំណោយដែលបានប្រគល់ជូននៅពេលនោះរួម៖ សម្រាប់គ្រួសារចាស់ជរា ងាយរងគ្រោះ ក្នុងមួយគ្រួសារទទួលបាន មុង១ ភួយ១ សារុង១ ក្រមា១ អង្ករ២៥គីឡូក្រាម មី១កេស ទឹកស៊ីអ៊ីវ១យួរ ត្រីខ១យួរ និងថវិកា ១សែនរៀល។ ចំពោះ កុមារាទាំង២នាក់ រស់នៅជាមួយគ្រួសារដែលមានជីវភាពខ្វះខាត ទទួលបាន កង់១គ្រឿង ថវិកា១សែនរៀល ខោអាវសិស្ស ២ឈុត ខោអាវកីឡា២ឈុត កាបូប២ សៀវភៅ២០ក្បាល ប៊ិក១០ដើម រួមនិងសម្ភារសិក្សាមួយចំនួនទៀត ។ ដោយឡែក ស្ត្រីទើបសម្រាលកូនរួចម្នាក់ៗទទួលបាន ខោអាវសម្រាប់ទារក១ឈុត អង្គរ២៥គីឡូក្រាម ត្រីខ១យួរ ទឹកស៊ីអ៊ីវ១យួរ ទឹកត្រី១យួរ ថវិកា៥ម៉ឺនរៀល និងសម្ភារមួយចំនួនទៀត។
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
